கர்நாடக சட்டமன்ற தேர்தல் கடந்த 10 ஆம் தேதி நடந்த முடிந்த நிலையில் அதில் பதிவான வாக்குகளை எண்ணும் பணி இன்று காலை தொடங்கியது. வாக்கு எண்ணிக்கை தொடங்கிய போதும் அம்மாநிலத்தின் ஆளும் பாஜக முன்னிலையில் இருந்தது. பின்னர் நேரம் செல்ல செல்ல பாஜக பின்னடைவை சந்தித்தது.
பாஜக முன்னிலையில் இருந்த இடங்கள் இறங்கு முகத்தில் போனது. அடித்து தூக்கிய காங்கிரஸ் கட்சி தனிப்பெரும்பான்மைக்கு தேவையானதை விடவும் அதிக இடங்களில் முன்னிலை வகித்தது. பல தொகுதிகளில் காங்கிரஸ் கட்சி வேட்பாளர்களின் வெற்றி உறுதி செய்யப்பட்டுள்ளது. கர்நாடக மாநிலத்தில் காங்கிரஸ் கட்சி ஆட்சியை கைப்பற்றுகிறது.
இதனை காங்கிரஸ் கட்சியின் தொண்டர்கள் மேளதாளத்துடனும் இனிப்புகள் வழங்கியும் கொண்டாடி வருகின்றனர். இந்நிலையில் கர்நாடக தேர்லில் பாஜக தோல்வியடைந்ததை வைத்து அண்ணாமலையை மறைமுகமாக சீண்டியிருக்கிறார் காயத்ரி ரகுராம்.
இதுதொடர்பாக அவர் பதிவிட்டுள்ள டிவிட்டில், கர்நாடக தேர்தலுக்கு விளம்பரம், ஹெலிகாப்டர் வரவேற்புக்காக மலர்கள், குவிந்த கூட்டம் என அதிக செலவு செய்த பிறகும் எல்லாம் வீணாகிவிட்டது என குறிபிபட்டுள்ளார். மேலும் மேனேஜர் அதைச் சரியாகச் செலவழித்தாரா அல்லது தனக்காக எடுத்துக் கொண்டாரா என்று தெரியவில்லை என்றும் தனது டிவிட்டில் தெரிவித்துள்ளார்.
மேலும் கர்நாடக தேர்தலில் வெற்றிப் பெற்றுள்ள காங்கிரஸ் எம்எல்ஏக்கள் விலைக்கு வாங்கப்படுகிறார்களா என்று பொறுத்திருந்து பார்ப்போம் என்றும் தனது டிவிட்டில் குறிப்பிட்டுள்ளார் காயத்ரி ரகுராம். மற்றொரு டிவிட்டில் ரெட் ஜெயண்ட் “கேரளாஸ்டோரிஸ்” உரிமையை மட்டும் வாங்கவில்லை. அண்ணாமலையின் கரநாடகக் ஸ்டோரிஸையும் வாங்குவார்கள் என்றும் காயத்ரி ரகுராம் தனது டிவிட்டில் குறிப்பிட்டுள்ளார்.