தமிழகத்தின் முன்னாள் முதல்வரும், திமுக முன்னாள் தலைவருமான கருணாநிதி 1924 ஆம் ஆண்டு ஜூன் மாதம் 3 ஆம் தேதி பிறந்தார்.
இந்த நிலையில், இவரது பிறந்தநாளை நினைவுகூரும் பொருட்டு அரசு பள்ளிகளில் 2 முதல் 6 வயது சிறுவர்களுக்கு சத்துணவு திட்டத்தின் கீழ் இனிப்பு பொங்கல் வழங்கப்படும் என்று சட்டசபையில் அறிவிக்கப்பட்டது. அதனை தொடர்ந்து இன்று தமிழக அரசு அரசாணை வெளியிட்டுள்ளது.
அரசாணை;
சத்துணவு திட்டத்தில் பயனடைந்து வரும் குழந்தைகளுக்கு, பெருந்தலைவர் காமராஜர். பேரறிஞர் அண்ணா, புரட்சித் தலைவர் எம்.ஜி.ஆர் மற்றும் புரட்சித் தலைவி செல்வி ஜெ.ஜெயலலிதா ஆகியோரின் பிறந்த நாளன்று இனிப்புப் பொங்கள் வழங்கப்படுவதுபோல் இனி வரும் காலங்களில் மு.கருணாநிதியின் பிறந்த நாளன்றும் இனிப்பு பொங்கல் வழங்கப்படும்.
குழந்தைகள் மையங்களில் சத்துணவுத் திட்டத்தில் பயனடைந்து வரும் 2 முதல் 6 வயது குழந்தைகளுக்கு கருணாநிதி பிறந்த நாளான ஜூன் 3 ஆம் தேதி இனிப்புப் பொங்கல் வழங்க ஆணை வழங்குமாறு அரசைக் கேட்டுக் கொண்டுள்ளார்.
அதன்படி, குழந்தைகள் மையங்கள்/சத்துணவு மையங்களில் பயனடைந்து வரும் குழந்தைகளுக்கு, நாள்தோறும் சத்துணவிற்காக அனுமதிக்கப்பட்டுள்ள அரிசியின் அளவில் அரிசி பயன்படுத்தவும். இனிப்புப் பொங்கல் வழங்க தேவைப்படும் வெல்லத்தை அங்கன்வாடிப் பணியாளர்கள் / சத்துணவு அமைப்பாளர்கள் இனிப்புப் பொங்கல் வழங்கப்படும் நாளின் உணவூட்டுச் செலவினத்திற்குள் (எரிபொருள் நீங்கலாக) வாங்குவதற்கும் அனுமதி அளிக்கப்பட்டுள்ளது அந்த அரசாணையில் தெரிவிக்கப்பட்டுள்ளது.