நடுவானில் விமானம் பறந்து கொண்டிருந்த போது விமானப் பணிப்பெண்ணிடம் அத்துமீறிய நபர் கைது செய்யப்பட்டுள்ளார்.
இண்டிகோ விமானம் ஒன்று துபாயில் இருந்து பயணிகளை ஏற்றிக் கொண்டு பஞ்சாப் மாநிலம் அமிர்தசரஸ் விமான நிலையத்திற்கு இன்று அதிகாலை 3.30 மணிக்கு வந்தது. விமானம் இறங்கிய பின்னர், அதிலிருந்த நபர் ஒருவர் விமான பணிப்பெண்ணுக்கு பாலியல் தொல்லை கொடுத்துள்ளார்.
இதையடுத்து புகாரின் அடிப்படையில் விமான நிலைய அதிகாரிகள் சம்பந்தப்பட்ட நபரை பிடித்து விசாரணைக்கு அழைத்துச் சென்றனர். இதில் அவர் ஜலந்தர் மாவட்டம் கோட்லி என்ற கிராமத்தை சேர்ந்த ரஜிந்தர் சிங் என்பது தெரியவந்தது.
அவர் மது அருந்தி விட்டு சக பயணிகளை துன்புறுத்தி உள்ளார். விமானம் புறப்பட்டபோதே மது அருந்த தொடங்கிய அவர், பின்னர் சக பயணிகளிடமும், கண்டித்த விமான பணிப் பெண்ணிடமும் வாக்கு வாதம் செய்துள்ளார்.
மேலும் விமான பணிப் பெண்ணிடம் தவறாக நடந்துகொள்ள முயற்சி செய்திருக்கிறார். இதனால் விமானத்தில் சலசலப்பு ஏற்பட்டது. இந்நிலையில் ரஜிந்தர் மீது வழக்குப் பதிவு செய்துள்ள விமான நிலைய அதிகாரிகள் அவரை நீதிமன்ற காவலுக்கு கொண்டு சென்றுள்ளனர்.
newstm.in