முதன்முறையாக அஜய் தேவ்கனுடன் இணைந்து நடிக்கும் மாதவன்
ராக்கெட்ரி படத்துக்கு பிறகு நயன்தாராவுடன் இணைந்து தி டெஸ்ட் என்ற படத்தில் நடித்து வருகிறார் மாதவன். அதையடுத்து மித்ரன் ஜவஹர் இயக்கும் படம் மற்றும் ஜி. டி. நாயுடு வாழ்க்கை வரலாறு படம் என தமிழில் தற்போது மூன்று படங்களில் நடிக்கிறார் மாதவன். இந்த நிலையில் அடுத்தபடியாக பாலிவுட் நடிகர் அஜய் தேவ்கனுடன் இணைந்து முதன் முறையாக ஒரு படத்தில் நடிக்கப் போகிறார் மாதவன். திரில்லர் கதையில் உருவாகும் இந்த படத்தின் படப்பிடிப்பு ஜூன் மாதம் மும்பையில் தொடங்க உள்ளது. மேலும் இந்த படத்தை கங்கனா ரணாவத் கதையின் நாயகியாக நடித்த குயின் என்ற படத்தை இயக்கிய விகாஸ் இயக்கயிருப்பதாகவும் தகவல்கள் வெளியாகி உள்ளன.