இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சறுக்கல்கோலமாவு கோகிலா மற்றும் டாக்டர் என தொடர் வெற்றிகளை கொடுத்து வந்த நெல்சனுக்கு விஜய்யின் பீஸ்ட் படத்தை இயக்கும் வாய்ப்பு கிடைத்தது. இதன் மூலம் கோலிவுட் வட்டாரத்தில் பரபரப்பான இயக்குனராக உருவெடுத்தார் நெல்சன். மேலும் வித்யாசமான ப்ரோமோக்களை வைத்து நெல்சன் தன் பட ப்ரோமோஷன்களை செய்து வந்ததால் அவருக்கென தனி ரசிகர்கள் கூட்டம் உருவானது. நெல்சனை புகழ்ந்து தள்ளிய ரசிகர்கள் பீஸ்ட் திரைப்படம் எதிர்பார்த்த அளவிற்கு இல்லாத காரணத்தால் அவரை ட்ரோல் செய்தனர். இரண்டு வெற்றிப்படங்களை கொடுத்து வெற்றிகரமாக வலம் வந்த நெல்சன் பீஸ்ட் படத்தினால் பின்னடைவை சந்தித்தார்
வாய்ப்புபீஸ்ட் படத்தின் படப்பிடிப்பின் போதே ரஜினியின் ஜெயிலர் படத்தை இயக்கும் வாய்ப்பை பெற்றார் நெல்சன். இதைத்தொடர்ந்து பீஸ்ட் படத்தின் கலவையான விமர்சனத்தால் அவருக்கு ரஜினி படத்தை இயக்கும் வாய்ப்பும் பறிபோகும் என சில வதந்திகள் பரவின. ஆனால் ரஜினி நெல்சனின் மீதும், அவரின் கதையின் மீதும் அதீத நம்பிக்கை வைத்து அவரின் இயக்கத்தில் நடிக்க ஒப்புக்கொண்டார். இந்நிலையில் கடந்தாண்டு ஆகஸ்ட் மாதம் ஜெயிலர் படத்தின் படப்பிடிப்பு துவங்கி தற்போது இறுதிக்கட்டத்தை எட்டியுள்ளது. மிகப்பெரிய நட்சத்திர பட்டாளமே இப்படத்தில் நடித்துள்ள நிலையில் ஜெயிலர் படத்திற்கு ரசிகர்கள் மத்தியில் மிகப்பெரிய எதிர்பார்ப்பு இருந்து வருகின்றது
எதிர்பார்ப்புஜெயிலர் திரைப்படத்தை நெல்சன் டார்க் காமெடி ஜானரில் தான் உருவாக்கி இருக்கின்றார் எனவும், அதே சமயத்தில் படம் அதிரடி ஆக்ஷன் படமாகவும் இருக்கும் என்றும் தகவல் வந்துள்ளது.மோகன்லால், ஷிவ்ராஜ்குமார், ஜாக்கி ஷாரூப் என இந்திய சினிமாவில் இருக்கும் முன்னணி நடிகர்கள் இப்படத்தில் நடித்துள்ளதால் ஜெயிலர் ஒரு பான் இந்திய படமாக தற்போது உருவெடுத்துள்ளது. இந்நிலையில் ஜெயிலர் திரைப்படத்தை ரஜினி மற்றும் தயாரிப்பு நிறுவனம் பார்த்துவிட்டு முழு திருப்தியில் இருப்பதாகவும் தகவல் வந்துள்ளது. எனவே ஆகஸ்ட் 10 ஆம் தேதி வெளியாகும் இப்படம் விமர்சன ரீதியாகவும், வசூல் ரீதியாகவும் மிகப்பெரிய வெற்றியை பெரும் என அனைவராலும் எதிர்பார்க்கப்படுகின்றது.
அடுத்த படம்நெல்சனின் ஜெயிலர் படத்தின் படப்பிடிப்பு முடிவடைந்து தற்போது போஸ்ட் ப்ரொடக்ஷன் வேலைகள் தீவிரமாக நடைபெற்று வருகின்றது. இந்த சமயத்தில் தான் நெல்சன் நடிகர் தனுஷை சந்தித்துள்ளாராம். இதையடுத்து நெல்சன் ஜெயிலர் படத்திற்க்கு பிறகு தனுஷை இயக்கவுள்ளார் என தற்போது பரவலாக பேசப்பட்டு வருகின்றது. ஜெயிலர் படம் துவங்கும் முன்பே தனுஷ் மற்றும் நெல்சன் இணையப்போவதாக சில செய்திகள் வந்தன. இதையடுத்து தற்போது கிட்டத்தட்ட இவர்கள் இணைவது உறுதியாகியுள்ளது. இந்நிலையில் ஜெயிலர் படத்தை போல தனுஷ் மற்றும் நெல்சன் திரைப்படமும் மிகப்பெரிய பட்ஜெட்டில் பிரம்மாண்டமாக உருவாக இருப்பதாக தெரிகின்றது. எனவே ஜெயிலர் படம் வெளியான பின்னர் இதைப்பற்றிய அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது குறிப்பிடத்தக்கது