இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
லியோ படத்தின் மீதான எதிர்பார்ப்பு நாளுக்கு நாள் அதிகரித்து கொண்டே தான் இருக்கின்றது. விஜய்யுடன் இணைந்து த்ரிஷா, சஞ்சய் தத், மிஸ்கின், கௌதம் மேனன் என மிகப்பெரிய நட்சத்திர பட்டாளங்கள் ஒருபக்கம் இருக்க மறுபக்கம் லோகேஷின் இயக்கம், அனிருத்தின் இசை என படத்திற்கு அனைத்துமே பலமாக இருக்கின்றது.
இந்நிலையில் லியோ படத்தின் முதல்கட்ட படப்பிடிப்பு காஷ்மீரில் நடைபெற்று முடிந்த நிலையில் தற்போது அடுத்தகட்ட படப்பிடிப்புகள் சென்னையில் விறுவிறுப்பாக நடைபெற்று வருகின்றது. விரைவில் இப்படத்தின் படப்பிடிப்பு முடிவடைந்து போஸ்ட் ப்ரொடக்ஷன் வேலைகள் நடைபெற இருக்கின்றது.
Udhayanidhi: உதயநிதிக்காக இணையும் கமல் & ரஜினி..தரமான சம்பவமா இருக்கும் போலயே..!
இந்நிலையில் லியோ படத்தில் மிகவும் எதிர்பார்க்கப்பட்ட மன்சூர் அலி கான் மற்றும் அர்ஜுன் ஆகியோர் தற்போது படப்பிடிப்பில் கலந்துகொண்டுள்ளனர் என்ற தகவல் ரசிகர்களை குஷிப்படுத்தியுள்ளது. படப்பிடிப்பு துவங்கிய நாள் முதலே மன்சூர் அலி கான் மற்றும் அர்ஜுன் ஆகியோர் எப்போது படப்பிடிப்பில் கலந்துகொள்வார்கள், அவர்களுக்கு எந்த மாதிரியான ரோலை லோகேஷ் கொடுப்பார் என்பது போன்ற பல விஷயங்களை ரசிகர்கள் பேசி வந்தனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் லோகேஷ் மன்சூர் அலி கானின் ரசிகர் என்பதால் அவருக்கு முக்கியத்துவமான அதே சமயத்தில் வித்யாசமான ரோலை கொடுப்பார் என ரசிகர்களால் எதிர்பார்க்கப்பட்டு வருகின்றது. இந்நிலையில் தற்போது வந்த தகவலின் படி அர்ஜுன் லியோ படத்தில் சஞ்சய் தத்தின் தம்பியாக நடிக்கின்றார் என்றும் விஜய்யின் நண்பனாக இருந்து பின்பு துரோகியாக கதைப்படி மாறுவார் என்றும் தகவல் வந்துள்ளது.
மேலும் லோகேஷிற்கு அர்ஜுன் சில கண்டிஷன்களை விதித்துள்ளதாகவும் தெரிகின்றது. அதாவது லியோ படத்தில் மிக கொடூரமான வில்லனாக தான் நடிக்கமாட்டேன் என்றும், விஜய்யை அடிப்பது, திட்டுவது போன்ற காட்சிகளில் நடிக்கமாட்டேன் என்றும் கூறியுள்ளாராம்.
இதற்கு ஒப்புக்கொண்ட லோகேஷ் அதற்கு ஏற்றாற்போல சில மாற்றங்களை செய்துள்ளாராம். என்ன இருந்தாலும் அர்ஜுனின் கதாபாத்திரம் படத்தில் செம மாஸாக இருக்கும் என்பதில் எந்த சந்தேகமும் இல்லை. இந்நிலையில் லியோ படத்தின் கதையில் அர்ஜுன் மற்றும் மன்சூர் அலி கானின் கதாபாத்திரம் மிகப்பெரிய மாற்றத்தை ஏற்படுத்தும் என தகவல்கள் வருவது குறிப்பிடத்தக்கது.