இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
எங்கேயும் எப்போதும் படம் மூலம் தமிழ் திரையுலகில் பிரபலமானவர் ஆந்திர மாநிலம் விஜயவாடாவை சேர்ந்த ஷர்வானந்த். சேரனின் ஜேகே எனும் நண்பனின் வாழ்க்கை படம் மூலம் ரசிகர்களின் பாராட்டுகளை பெற்றார். தொடர்ந்து தெலுங்கு படங்களில் கவனம் செலுத்தி வருகிறார் ஷர்வானந்த். அவர் படங்களில் நடிப்பதுடன் தயாரிக்கவும் செய்கிறார்.
“Caravon கூட இல்ல..ரொம்ப கஷ்டம்” இராவண கோட்டம் படக்குழு பேட்டி!
இந்நிலையில் ஷர்வானந்துக்கும், ரக்ஷிதா ரெட்டி என்பவருக்கும் கடந்த ஜனவரி மாதம் 23ம் தேதி ஹைதரபாத்தில் நிச்சயதார்த்தம் நடந்தது. அந்த நிச்சயதார்த்த நிகழ்ச்சியில் நடிகர் ராம் சரண், அவரின் மனைவி உபாசனா, நடிகர் சித்தார்த் உள்ளிட்டோர் கலந்து கொண்டார்கள்.
Sharwanand Wife: புடுச்சாலும் புளியங்கொம்பாக புடுச்ச ஷர்வானந்த்: பொண்ணு யார்னு தெரியுமா?!
நிச்சயதார்த்தத்தின்போது எடுக்கப்பட்ட புகைப்படங்கள் வெளியாகி வைரலாகின. இந்நிலையில் ஷர்வானந்த், ரக்ஷிதா ரெட்டியின் திருமணம் நடக்காது என்று சமூக வலைதளத்தில் ஒரு தகவல் வலம் வந்தது.
இது குறித்து ஷர்வானந்துக்கு நெருக்கமான ஒருவர் கூறியதாவது,
ஷர்வானந்த், ரக்ஷிதா ரெட்டி இடையே எந்த பிரச்சனையும் இல்லை. அவர்கள் சந்தோஷமாக இருக்கிறார்கள், பிரியவில்லை. ஸ்ரீராம் ஆதித்யா இயக்கத்தில் தான் நடித்து வரும் பட வேலையில் பிசியாக இருக்கிறார் ஷர்வானந்த்.
லண்டனில் நடந்த படப்பிடிப்பில் 40 நாட்கள் கலந்து கொண்டார். கடந்த சில நாட்களுக்கு முன்பு தான் இந்தியா திரும்பினார். திருமண வாழ்க்கையை துவங்கும் முன்பு கையில் இருக்கும் பட வேலையை முடித்துவிட வேண்டும் என நினைக்கிறார் ஷர்வானந்த்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அவர் தற்போது ஹைதராபாத் திரும்பிவிட்டார். அதனால் இரு குடும்பங்களும் சந்தித்து பேசி, திருமண நாளை முடிவு செய்வார்கள். திருமணம் குறித்து விரைவில் அதிகாரப்பூர்வ அறிவிப்பு வெளியிடப்படும் என்றார்.
திரையுலக பிரபலங்களை பற்றி சமூக வலைதளங்களில் வதந்தி பரவுவது வழக்கமாகிவிட்டது. சிலர் அதை கண்டுகொள்வது இல்லை. சிலர் விளக்கம் அளிக்கிறார்கள். இந்நிலையில் தான் ஒற்றுமையாக இருக்கும் ஷர்வானந்த், ரக்ஷிதா ரெட்டி பற்றி வதந்தி பரவியிருக்கிறது.
ஷர்வானந்தின் வருங்கால மனைவியான ரக்ஷிதா ரெட்டி அமெரிக்காவில் வேலை செய்கிறார். ஷர்வானந்த் பிசினஸ் குடும்பத்தை சேர்ந்தவர் என்றால் ரக்ஷிதா ரெட்டியோ அரசியல் குடும்பத்தை சேர்ந்தவர்.
அரசியல் தலைவர் போஜ்ஜல கோபால கிருஷ்ண ரெட்டியி தான் ரக்ஷிதாவின் தாத்தா. முன்னாள் அமைச்சரான போஜ்ஜல கோபால கிருஷ்ண ரெட்டி கடந்த 2022ம் ஆண்டு மே மாதம் 6ம் தேதி காலமானார். ஷர்வானந்தின் வருங்கால மாமனாரான மதுசூதன் ரெட்டி ஆந்திர மாநில உயர் நீதிமன்றத்தில் வழக்கறிஞராக இருக்கிறார்.
முன்னதாக பிரேம் குமார் இயக்கத்தில் மக்கள் செல்வன் விஜய் சேதுபதி, த்ரிஷா நடிப்பில் வெளியாகி சூப்பர் டூப்பர் ஹிட்டான 96 படத்தை ஜானு என்கிற பெயரில் தெலுங்கில் ரீமேக் செய்தார்கள். அந்த படத்தையும் பிரேம் குமார் தான் இயக்கினார். அதில் விஜய் சேதுபதியின் கதாபாத்திரத்தில் ஷர்வானந்தும், த்ரிஷா கதாபாத்திரத்தில் சமந்தாவும் நடித்தார்கள். ஆனால் 96 படம் போன்று ஜானுவுக்கு பெரிதாக வரவேற்பு கிடைக்காமல் போய்விட்டது.
இருப்பினும் ஷர்வானந்த், சமந்தாவின் நடிப்பு பாராட்டப்பட்டது என்பது குறிப்பிடத்தக்கது.