இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
டாக்டர், டான் போன்ற வெற்றிகளின் மூலம் மீண்டும் டாப் கியரில் சென்றுகொண்டிருக்கின்றார் சிவகார்த்திகேயன். தற்போது மண்டேலா என்ற தேசிய விருதை பெற்ற படத்தை இயக்கிய அஸ்வினின் இயக்கத்தில் மாவீரன் படத்தில் நடித்து முடித்துள்ளார் சிவகார்த்திகேயன்.
இதைத்தொடர்ந்து ராஜ்
கமல்
பிலிம்ஸ் சார்பாக கமல் தயாரிக்க ராஜ்குமார் பெரியசாமி இயக்கத்தில் ஒரு படத்திலும் நடிக்கவுள்ளார் சிவகார்த்திகேயன். இப்படத்தின் பூஜை சமீபத்தில் நடைபெற்றது. ஒரு ராணுவ வீரரின் வாழ்க்கையை பற்றிய படம் என்பதால் சிவகார்த்திகேயன் பிரத்யேகமாக பல பயிற்சிகளில் ஈடுபட்டு இப்படத்திற்காக தயாராகி வருகின்றார்.
Udhayanidhi: உதயநிதிக்காக இணையும் கமல் & ரஜினி..தரமான சம்பவமா இருக்கும் போலயே..!
மேலும் சிவகார்த்திகேயனின் திரைப்பயணத்தில் இப்படம் மிக முக்கியமான படமாக இருக்கும் என பேசப்பட்டு வருகின்றது. இந்நிலையில் ஆகஸ்ட் மாதம் வெளியாவதாக இருந்த மாவீரன் திரைப்படம் ஜெயிலர் படத்தின் வெளியீட்டால் ஜூலை மாதமே வெளியாகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இப்படமும் வித்யாசமாக இருக்கும் என்ற எதிர்பார்ப்பில் ரசிகர்கள் காத்துக்கொண்டிருக்க தற்போது சிவகார்த்திகேயனின் நடிப்பில் பல ஆண்டுகளாக உருவாகி வந்த அயலான் திரைப்படம் ஒருவழியாக தீபாவளி பண்டிகையை முன்னிட்டு திரையில் வெளியாகின்றது.
இன்று நேற்று நாளை என்ற வெற்றி படத்தை இயக்கிய ரவிக்குமார் இப்படத்தை கடந்த 2016 ஆம் ஆண்டு துவங்கினார். நிதி நெருக்கடி, கிராபிக்ஸ் வேலைகள் போன்ற பல காரணங்களால் இப்படம் தாமதமானது. இதையடுத்து இப்படம் தீபாவளி பண்டிகையை முன்னிட்டு வெளியாவதாக வந்த தகவல் சிவகார்த்திகேயனின் ரசிகர்களை குஷியில் ஆழ்த்தியுள்ளது.
ஹாலிவுட் தரத்தில் உருவாகியிருக்கும் இப்படம் சிவகார்த்திகேயனுக்கு மேலும் ஒரு வெற்றிப்படமாக அமையும் என எதிர்பார்க்கப்படுகின்றது. இந்நிலையில் தற்போது ஜூலை மாதம் வெளியாகவுள்ள மாவீரன் படத்துடன் அயலான் படத்தின் டீசரும் வெளியாவதாக தகவல்கள் வருகின்றன.
ஜூலை 14 ஆம் தேதி வெளியாகும் மாவீரன் படத்துடன் அயலான் பட டீசரையும் இணைக்க சிவகார்த்திகேயன் முடிவெடுத்துள்ளாராம். எனவே இந்த தகவல் உண்மையாகும் பட்சத்தில் அது சிவகார்த்திகேயனின் ரசிகர்களுக்கு டபுள் ட்ரீட்டாக அமையும் என்பதில் எந்த சந்தேகமும் இல்லை என்பது குறிப்பிடத்தக்கது.