இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
லோகேஷ் கனகராஜ் இயக்கத்தில் தளபதி விஜய் நடித்து வரும் லியோ பட ஷூட்டிங்கே இன்னும் முடியவில்லை. ஆனால் அதற்குள் விஜய்யின் அடுத்த படமான தளபதி 68 குறித்து பேசத் துவங்கிவிட்டார்கள்.
கத்திய ரசிகர்கள்; கெஞ்சிய கீர்த்தி ஷெட்டி!
தளபதி 68 படத்தை அட்லி தான் இயக்குவார் என்று முதலில் கூறப்பட்டது. அதன் பிறகு கார்த்திக் சுப்புராஜ் இயக்குவார் என்று தகவல் வெளியானது. கார்த்திக் சுப்புராஜ் இல்லை சுதா கொங்கரா தான் தளபதி 68 இயக்குநர் என்று பேசப்பட்டது.
அவங்க யாருமே இல்லப்பா தெலுங்கு இயக்குநர் கோபிசந்த் மலினேனி தான் விஜய் படத்தை இயக்குகிறார் என்றார்கள். கோபிசந்த் பெயரை கேட்டதுமே விஜய் ரசிகர்கள் லைட்டா பயந்துவிட்டார்கள். கோபிசந்த் ஒரு மாஸ் இயக்குநர் தான். ஆனால் அவரின் ஸ்டைல் உங்களுக்கு ஒத்து வராதுணா என விஜய்யிடம் ரசிகர்கள் கூறி வருகிறார்கள்.
இந்நிலையில் தளபதி 68 படத்தை கோபிசந்த் மலினேனி அல்ல வெங்கட் பிரபு இயக்குவது கிட்டத்தட்ட உறுதியாகிவிட்டது என தகவல் வெளியாகி தீயாக பரவியிருக்கிறது. வெங்கட் பிரபுவின் பெயரை சமூக வலைதளத்தில் பார்த்த விஜய் ரசிகர்கள் லைட்டா அழுதுவிட்டார்கள். கவலையில் இல்லை கோபிசந்த் இல்லை என்கிற சந்தோஷம் என தெரிவித்துள்ளனர்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
வெங்கட் பிரபு ஒரு ஜாலியான இயக்குநர். அவர் இயக்கத்தில் மே 12ம் தேதி வெளியான கஸ்டடி படத்திற்கு நல்ல வரவேற்பு கிடைத்திருக்கிறது. அந்த படத்தின் இரண்டாம் பாகம் வரும் என்றார். ஆனால் இரண்டாம் பாக வேலையை உடனே துவங்க முடியாது அல்லவா?. நாக சைதன்யா ஏற்கனவே சில படங்களில் கமிட்டாகியிருக்கிறார்.
இந்த நேரத்தில் தான் வெங்கட் பிரபுவை தேடி தளபதி பட வாய்ப்பு வந்திருப்பதாக கூறப்படுகிறது.
விஜய்யை வைத்து ஜாலியான படமா, இல்லை பீல் குட் படமா, இல்லை மாஸ் ஆக்ஷன் படமா என்று தெரியவில்லை. ஆனால் வெங்கட் பிரபு தன் ஸ்டைலில் ஒரு வித்தியாசமான படத்தை விஜய்யை வைத்து கொடுப்பார் என்பது மட்டும் தெரிகிறது.
தளபதி 68 படத்தை சூப்பர் குட் ஃபிலிம்ஸ் நிறுவனம் தயாரிக்கிறது. இது அந்த நிறுவனம் தயாரிக்கும் 100வது படமாகும். தளபதி 68 படத்தை தயாரிப்பதை ஜீவா உறுதி செய்துவிட்டார். தற்போதைக்கு அது மட்டும் தான் உண்மை.
தளபதி 68 படத்தை இவர் தான் இயக்குகிறார் என சூப்பர் குட் ஃபிலிம்ஸ் நிறுவனம் அதிகாரப்பூர்வ அறிவிப்பு வெளியிடும் வரை யாராவது ஒரு இயக்குநரின் பெயர் அடிபட்டுக் கொண்டு தான் இருக்கும்.
Vijay: ஜேசன் சஞ்சய் அல்ல தளபதி விஜய்க்கு ஜோடியாக நடிக்கும் க்ரித்தி ஷெட்டி?
இதற்கிடையே தளபதி 68 படத்தின் இயக்குநர் கோபிசந்த் மலினேனி தான். அவர் தன் படத்தில் விஜய்க்கு ஜோடியாக நடிக்குமாறு க்ரித்தி ஷெட்டியிடம் பேச்சுவார்த்தை நடத்தி வருகிறார் என்றெல்லாம் செய்தி வெளியானது.
நீங்கள் யூகிப்பதை யூகித்துக் கொண்டே இருங்கள். நான் என் தம்பி லோகேஷ் படத்தில் மட்டும் கவனம் செலுத்துகிறேன் என்று இருக்கிறார் தளபதி விஜய்.
Vijay: அட, விஜய் பற்றி கேள்விப்பட்டது உண்மை தான்: லியோ ஷூட்டிங்கில் நடந்த க்யூட் சம்பவம்
ஜவான் படத்தை இயக்கி வரும் அட்லி அடுத்ததாக வருண் தவானை வைத்து படம் எடுக்கப் போகிறாராம். அதனால் தளபதி 68 லிஸ்ட்டில் இருந்து அட்லி பெயரை நீக்கிவிடலாம்.