இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் தற்போது லியோ படத்தில் நடித்து வருகின்றார். இப்படத்தின் படப்பிடிப்பே இன்னும் முடிவடையாத நிலையில் தற்போது விஜய்யின் அடுத்த படத்தை பற்றிய பேச்சு தான் இணையத்தில் பரபரப்பாக போய்க்கொண்டிருக்கிறது. சில நாட்களுக்கு முன்பு வரை விஜய் அடுத்ததாக மீண்டும் தெலுங்கு பட இயக்குனருடன் இணைவதாக செய்திகள் வந்தன.
வாரிசு படத்தை தொடர்ந்து விஜய் தன் 68 ஆவது படத்திற்காக தெலுங்கு இயக்குனரான கோபிசந்த் இயக்கத்தில் நடிக்க இருப்பதாக தகவல் வந்தன. வாரிசு படம் என்னதான் கலவையான விமர்சனங்களை பெற்றாலும் வசூல் ரீதியாக மிகப்பெரிய வெற்றியை பெற்றது.
Udhayanidhi: உதயநிதிக்காக இணையும் கமல் & ரஜினி..தரமான சம்பவமா இருக்கும் போலயே..!
இதன் காரணமாக விஜய்யின் சம்பளமும் கணிசமாக உயர்ந்தது. எனவே மீண்டும் ஒரு தெலுங்கு இயக்குனரின் படத்தில் நடித்து தன் தெலுங்கு மார்க்கெட்டை நிலைநாட்ட தளபதி முடிவெடுத்ததாக சில பேச்சுக்கள் வர தற்போது தளபதி 68 திரைப்படத்தை இயக்குனர் வெங்கட் பிரபு இயக்கவுள்ளதாக செய்திகள் பரவி வருகின்றன.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விஜய்யின் 68 ஆவது திரைப்படத்தை பிரபல தயாரிப்பு நிறுவனமான சூப்பர் குட் பிலிம்ஸ் தயாரிக்க கோபிசந்த் இயக்கவுள்ளார் என்ற செய்தி தான் சமீபகாலமாக வந்துகொண்டிருந்தது. ஆனால் தற்போது தளபதி 68 திரைப்படத்தை AGS நிறுவனம் தயாரிக்க இருப்பதாகவும், வெங்கட் பிரபு இயக்கவுள்ளதாகவும் தகவல்கள் வந்து ரசிகர்களை எதிர்பார்ப்பில் ஆழ்த்தியுள்ளது.
அஜித்திற்கு மங்காத்தா, சிம்புவிற்கு மாநாடு என இரு நடிகர்களுக்கு திருப்புமுனையை ஏற்படுத்திக்கொடுத்த வெங்கட் பிரபு விஜய்யை இயக்கவுள்ளார் என்ற செய்தி கோலிவுட் வட்டாரத்தில் பரபரப்பாக போய்க்கொண்டிருக்கின்றது. இந்நிலையில் வெங்கட் பிரபுவின் பழைய பேட்டி ஒன்று தற்போது செம வைரலாக இருந்து வருகின்றது.
அந்த பேட்டியில் விஜய்யை வைத்து வித்யாசமான கதைக்களத்தில் படமெடுப்பதை பற்றி வெங்கட் பிரபு பேசியுள்ளார். அதாவது விஜய் வேறொரு உலகத்தில் மாட்டிக்கொள்வது போன்றும், அந்த உலகத்தில் ஏலியனின் சக்தியால் விஜய் வேறொரு மனிதராக மாறினால் என்ன ஆகும் என்பது தான் படத்தின் ஒரு வரி கதை.
எனவே இவ்வாறு ஒரு கதைக்களத்தில் விஜய்யை போல ஒரு உச்ச நட்சத்திரம் நடித்தால் சிறப்பாக இருக்கும் என வெங்கட் பிரபு பேசியுள்ளார். இந்நிலையில் தற்போது விஜய்யை வெங்கட் பிரபு இயக்குகிறார் என்றவுடன் இந்த வீடியோ இணையத்தில் ரசிகர்களால் அதிகம் பகிரப்பட்டு வருகின்றது.