இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தன் ஒவ்வொரு படங்களின் மூலமும் தமிழ் சினிமாவை அடுத்தகட்டத்துக்கு கொண்டு செல்ல முயற்சித்து வருபவர் தான் உலகநாயகன் கமல்ஹாசன். அந்த முயற்சியில் பல முறை வெற்றியும் அடைந்துள்ளார் கமல். அனைவராலும் ஆண்டவர் என அன்போடு அழைக்கப்பட்டு வரும்
கமல்
தற்போது மீண்டும் புது உத்வேகத்துடன் சுறுசுறுப்பாக செயல்பட்டு வருகின்றார்.
அதற்கெல்லாம் லோகேஷ் கனகராஜ் இயக்கத்தில் வெளியான விக்ரம் படத்தின் வெற்றியே காரணமாகும். ராஜ் கமல் பிலிம்ஸ் சார்பாக கமலே தயாரித்த இப்படம் கடந்தாண்டு வெளியாகி மாபெரும் வெற்றியை பெற்றது.
வீட்டிற்கு அழைத்து விருந்து வைத்து கண்டிஷன் போட்ட விஜய்..ஷாக்கான வெங்கட் பிரபு..!
இதையடுத்து தொடர்ந்து படங்களில் நடிக்கவும், தயாரிக்கவும் துவங்கினார் கமல். அந்த வகையில் ஷங்கரின் இயக்கத்தில் கடந்த 2018 ஆம் ஆண்டு துவங்கப்பட்ட இந்தியன் 2 படத்தை மீண்டும் தூசி தட்டினார் கமல். லைக்காவின் தயாரிப்பில் மிகப்பிரமாண்டமாக துவங்கிய இந்தியன் 2 படம் சந்திக்காத பிரச்சனைகளே இல்லை எனலாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
படப்பிடிப்பு தளத்தில் ஏற்பட்ட விபத்து, கொரோனா ஊரடங்கு, தயாரிப்பாளர் மற்றும் இயக்குனர் இடையே மோதல் என பல பிரச்சனைகளில் சிக்கி தவித்த இந்தியன் 2 படத்தை மீண்டும் துவங்கினார் கமல். தற்போது இப்படத்தின் படப்பியடிப்பு விறுவிறுப்பாக நடைபெற்று வருகின்றது.
இந்நிலையில் இப்படம் தீபாவளி பண்டிகையை முன்னிட்டு திரையில் வெளியாகும் என எதிர்பார்க்கப்பட்ட நிலையில் சில காரணங்களால் இப்படம் அடுத்தாண்டிற்கு தள்ளிப்போனது. இதைத்தொடர்ந்து தற்போது இறுதிக்கட்டத்தை எட்டியுள்ள இப்படத்தை கமல் சமீபத்தில் பார்த்தாராம்.
படத்தை பார்த்த கமல் உச்சகட்ட மகிழ்ச்சியில் இருப்பதாக தகவல் வந்துள்ளது. மேலும் இயக்குனர் ஷங்கரால் மட்டுமே இதுபோல பிரம்மாண்டமாக எடுக்கமுடியும் என அவரை பாராட்டி தள்ளினாராம் கமல்.
இதைத்தொடர்ந்து இப்படம் கண்டிப்பாக மிகப்பெரிய வெற்றியை பெரும் என்பது மட்டுமல்லாமல் காலம் கடந்தும் ரசிகர்களால் போற்றப்படும் படமாகவும் இருக்கும் என தகவல்கள் வருகின்றன.
பிரம்மாண்டத்தில் KGF, பாகுபலி படங்களை இந்தியன் 2 ஓவர்டேக் செய்துவிடும் என எதிர்பார்க்கப்படுகின்றது. இந்நிலையில் இந்தியன் 2 திரைப்படம் அடுத்தாண்டு பொங்கல் பண்டிகைக்கு அல்லது தமிழ் புத்தாண்டை முன்னிட்டு திரையில் வெளியாகும் என எதிர்பார்க்கப்படுவது குறிப்பிடத்தக்கது.