இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் தற்போது லியோ திரைப்படத்தில் நடித்து வருகின்றார். இப்படத்தின் படப்பிடிப்பே இன்னும் முடிவடையாத நிலையில் விஜய்யின் அடுத்த படத்தைப்பற்றிய பேச்சு தற்போது பரபரப்பாக போய்க்கொண்டிருக்கிறது.
லியோ படத்திற்கு பிறகு விஜய்யை யார் இயக்குவார் என்ற கேள்வி கடந்த சில மாதங்களாக பரவலாக கேட்கப்பட்டு வருகின்றது. அட்லீ, கோபிசந்த் என பல பெயர்கள் அடிபட்டது. இதையடுத்து சூப்பர் குட் பிலிம்ஸ் தயாரிக்கும் நூறாவது படத்தில் விஜய் நடிக்கயிருப்பதாகவும், அப்படத்தை தெலுங்கு இயக்குனர் கோபிசந்த் இயக்குவதாகவும் தகவல்கள் வந்தன.
Jailer: ஜெயிலர் படத்தில் இருந்து வெளியான லேட்டஸ்ட் அப்டேட்..தீயா வேலை செய்யும் தலைவர்..!
மேலும் இத்தகவல் கிட்டத்தட்ட உறுதி என பேசப்பட்டு வந்த நிலையில் தற்போது யாரும் எதிர்பாராத வகையில் விஜய்யின் அடுத்த படத்தை வெங்கட் பிரபு இயக்கவுள்ளதாக செய்திகள் வந்துள்ளன. இந்த செய்தி ரசிகர்களிடையே எதிர்பார்ப்பை ஏற்படுத்தியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மங்காத்தா, மாநாடு என அஜித் மற்றும் சிம்புவிற்கு மிகப்பெரிய வெற்றிப்படங்களை கொடுத்த வெங்கட் பிரபு விஜய்யை இயக்கப்போகின்றார் என்றவுடன் கோலிவுட் வட்டாரமே எதிர்பார்ப்பில் இருக்கின்றது. ஆனால் இந்த தகவல் எந்தளவிற்கு உண்மை என தெரியவில்லை. அப்படி உண்மையாக இருக்கும் பட்சத்தில் ரசிகர்களுக்கு செம ட்ரீட்டாக இருக்கும் என்பதில் எந்த சந்தேகமும் இல்லை.
இந்நிலையில் விஜய் மற்றும் வெங்கட் பிரபு இணைகின்றனர் என்றவுடன் வெங்கட் பிரபு விஜய்யை பற்றி பேசிய வீடியோக்களை ரசிகர்கள் இணையத்தில் அதிகளவில் ஷேர் செய்து வருகின்றனர். அந்த வகையில் மங்காத்தா படம் வெளியான போது அப்படத்தை பார்த்துவிட்டு விஜய் வெங்கட் பிரபு மற்றும் பிரேம்ஜியை தன் வீட்டிற்கு அழைத்து விருந்து வைத்ததை பற்றி பேசியுள்ளார் வெங்கட் பிரபு.
அவர் கூறியதாவது, மங்காத்தா படத்தை பார்த்துவிட்டு விஜய் அவரின் வீட்டிற்கு விருந்துக்கு அழைத்தார். நானும் பிரேம்ஜியும் போயிருந்தோம். அப்போது மங்காத்தா படத்தை பாராட்டி பேசிய விஜய், அர்ஜுன் ரோலுக்கு என்னை கேட்டிருந்தால் நான் நடித்திருப்பேனே என்றார். அதை கேட்டதும் எனக்கு ஷாக்காக இருந்தது.
மேலும் என் இயக்கத்தில் விஜய் நடித்தால் கண்டிப்பாக அப்படத்தில் பிரேம்ஜி இருக்கக்கூடாது என நகைச்சுவையாக ஒரு கண்டிஷனையும் போட்டார் தளபதி என கூறியுள்ளார் வெங்கட் பிரபு. இந்நிலையில் வெங்கட் பிரபு விஜய்யுடன் பல ஆண்டுகளாக நெருங்கி பழகியுள்ளார். விஜய்யின் நடிப்பில் வெளியான சிவகாசி படத்திலும் வெங்கட் பிரபு ஒரு ரோலில் நடித்திருப்பார். அப்போது இருந்தே விஜய்யுடன் நட்பில் இருந்து வருகின்றார் வெங்கட் பிரபு என்பது குறிப்பிடத்தக்கது.