இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
கடந்தாண்டு ஆகஸ்ட் மாதம் ரஜினியின் நடிப்பில் நெல்சனின் இயக்கத்தில் ஜெயிலர் திரைப்படத்தின் படப்பிடிப்பு துவங்கப்பட்டது. என்னதான் இப்படத்தின் அறிவிப்பு கடந்தாண்டு பிப்ரவரி மாதமே அறிவிக்கப்பட்டாலும் படப்பிடிப்பு ஆறு மாதத்திற்கு பிறகே துவங்கப்பட்டது.
ஏனென்றால் ரஜினி மற்றும் நெல்சன் இருவரும் தோல்வியில் இருந்து வருவதால் ஜெயிலர் படத்தை வெற்றிப்படமாக கொடுக்கவேண்டும் என்ற கட்டாயத்தில் இருக்கின்றனர். அதன் காரணமாகவே இப்படத்தில் ஒவ்வொரு விஷயத்தையும் பார்த்து பார்த்து செய்து வந்தனர்.
Sivakarthikeyan: சிவகார்த்திகேயன் போட்ட மாஸ்டர் பிளான்..ரசிகர்களுக்கு காத்திருக்கும் டபுள் ட்ரீட்..!
கதை மற்றும் திரைக்கதையில் துவங்கி படத்தில் நடிக்கும் நடிகர்கள் வரை அனைத்து விஷயங்களிலும் கூடுதல் கவனம் எடுத்துக்கொண்டனர். அதன் காரணமாகவே இப்படத்தின் படப்பிடிப்பு துவங்க தாமதமானதாக தெரிகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் சென்னை, கடலூர் என இப்படத்தின் படப்பிடிப்பு பல லைவ் லொகேஷனில் படமாக்கப்பட்டது. ரஜினியுடன் மோகன்லால், ஷிவ்ராஜ்குமார், ஜாக்கி ஷாரூப் என இந்திய சினிமாவில் இருக்கும் சூப்பர்ஸ்டார் நடிகர்கள் ஜெயிலர் படத்தில் நடித்து வருவதால் இப்படம் ஒரு பான் இந்திய படமாக உருவெடுத்தது. இதையடுத்து படத்தின் மீதான எதிர்பார்ப்பும் பலமடங்கு உயர்ந்தது.
இந்நிலையில் இப்படத்தின் ஒட்டுமொத்த படப்பிடிப்பும் தற்போது முடிவடைந்து போஸ்ட் ப்ரொடக்ஷன் வேலைகள் மிக தீவிரமாக நடைபெற்று வருகின்றது. மேலும் இப்படம் ஆகஸ்ட் 10 ஆம் தேதி வெளியாகும் என அதிகாரபூர்வமாகவே அறிவிக்கப்பட்டது. எனவே இந்த ரிலீஸ் தேதியை நோக்கி படக்குழு பரபரப்பாக வேலை பார்த்து வருகின்றது.
மறுபக்கம் ரஜினி ஜெயிலர் படத்தின் படப்பிடிப்பை முடித்த கையோடு தனது மகள் ஐஸ்வர்யாவின் இயக்கத்தில் உருவாகும் லால் சலாம் படப்பிடிப்பில் கலந்துகொண்டுள்ளார். இப்படத்தின் படப்பிடிப்பு தற்போது மும்பையில் விறுவிறுப்பாக நடைபெற்று வருகின்றது.
இந்நிலையில் ஒருபக்கம் ரஜினி லால் சலாம் படத்தில் நடித்துக்கொண்டிருக்க மறுபக்கம் ஜெயிலர் படத்தின் டப்பிங் பணிகள் விறுவிறுப்பாக நடைபெற்று வருகின்றது. ரஜினியை தவிர மற்ற நடிகர்கள் ஜெயிலர் படத்திற்கு டப்பிங் கொடுத்து வருகின்றனர். இதைத்தொடர்ந்து லால் சலாம் படப்பிடிப்பை முடித்துவிட்டு ஜூன் முதல் வாரம் ஜெயிலர் படத்திற்கு ரஜினி டப்பிங் கொடுப்பார் என எதிர்பார்க்கப்படுகின்றது.
எனவே ரஜினி டப்பிங் பணிகளை முடித்துவிட்டால் விரைவில் ஜெயிலர் படத்தின் டீசர் வெளியாகும் எனவும் ரசிகர்களால் எதிர்பார்க்கப்படுகின்றது. இந்நிலையில் ஜெயிலர் படத்தை ரஜினி மற்றும் தயாரிப்பு நிறுவனம் சமீபத்தில் பார்த்துவிட்டு முழு திருப்தியுடன் இருப்பதாக தகவல் வந்தது. மேலும் ரஜினி இப்படம் தன்னை மீண்டும் வெற்றிப்பாதைக்கு அழைத்துச்செல்லும் என மிகவும் நம்பிக்கையில் இருப்பதாகவும் கோலிவுட் வட்டாரத்தில் பரவலாக பேசப்பட்டு வருகின்றது குறிப்பிடத்தக்கது.