தமிழ்நாடு
விழுப்புரம் மாவட்டம் மரக்காணத்தில் கள்ளச்சாராயம் குடித்ததால் உயிரிழந்த நபர்களின் எண்ணிக்கை 13ஆக உயர்ந்துள்ளது. முண்டியம்பாக்கம் அரசு மருத்துவமனையில் சிகிச்சை பெற்று வந்த ராஜவேல் (38) என்பவர் இன்று காலை உயிரிழந்தார்.மரக்காணம், மதுராந்தகம் என பலி எண்ணிக்கை மொத்தம் 18ஆக உயர்ந்துள்ளது.கடற்கரை – செங்கல்பட்டு நோக்கி சென்ற புறநகர் மின்சார ரயிலின் 8 பெட்டிகள் கழன்றதால் 30 நிமிடங்களாக ரயில் சேவை பாதிக்கப்பட்டுள்ளது. நீண்ட நேரத்திற்கு பின் தாம்பரம் – சென்னை இடையேயான மின்சார ரயில் சேவை தொடங்கியது.
அண்ணாமலை ஆடியோ அரசியல் செய்வது சரியல்ல! – விளாசிய சசிகாந்த் செந்தில்
ஓபிஎஸ் அணி செத்த பாம்பை போன்றது என எடப்பாடி பழனிசாமி கடும் விமர்சனம் செய்துள்ளார். இனிமேல் அவர்கள் வாழ்நாள் முழுவதும் தர்ம யுத்தம் செய்ய வேண்டியது தான் எனக் காட்டமாக குறிப்பிட்டுள்ளார்.தமிழ்நாடு முழுவதும் கடந்த 2 நாட்களாக நடந்த சாராய வேட்டையில் 1,558 குற்றவாளிகள் கைது செய்யப்பட்டுள்ளனர். மொத்தம் 4,943 லிட்டர் சாராயம் பறிமுதல் செய்யப்பட்டதாக டிஜிபி தகவல் தெரிவித்துள்ளார்.2023-24 ஆண்டுக்கான விளையாட்டு விடுதிகளில் மாணவர் சேர்க்கைக்கான அறிவிப்பு வெளியிடப்பட்டுள்ளது. இதற்கான தேர்வு போட்டிகள் வரும் 24ஆம் தேதி மாவட்ட தலைநகரங்களில் உள்ள தமிழ்நாடு விளையாட்டு மேம்பாட்டு ஆணையத்தின் விளையாட்டு அரங்கங்களில் நடைபெறவுள்ளது.
இந்தியா
கர்நாடகா மாநிலத்தில் புதிய முதலமைச்சரை தேர்வு செய்வதில் இழுபறி நீடித்து வருகிறது. இன்றைய தினம் காங்கிரஸ் கட்சியின் தேசிய தலைவர் மல்லிகார்ஜுன கார்கே இறுதி முடிவு எடுப்பார் என எதிர்பார்க்கப்படுகிறது.நாடு முழுவதும் காங்கிரஸ் கட்சி வலுவாக உள்ள 200 இடங்களில் மாநில கட்சிகள் ஆதரிப்பதில் தவறில்லை. அதேபோல் மாநில கட்சிகள் வலுவாக உள்ள இடங்களில் கட்சியும் ஆதரவு அளிக்க வேண்டும் என்று மேற்குவங்க முதல்வர் மம்தா பானர்ஜி தெரிவித்துள்ளார்.
உலகம்
பாகிஸ்தான் நாட்டின் முன்னாள் பிரதமர் இம்ரான் கானை விடுவித்த உச்ச நீதிமன்ற நீதிபதிக்கு எதிர்ப்பு வலுத்து வருகிறது. ஆளுங்கட்சியை சேர்ந்தவர்கள் உச்ச நீதிமன்றத்தை முற்றுகையிட்டு போராட்டம் நடத்தி வருகின்றனர்.
வர்த்தகம்
2022-23 நிதியாண்டில் வணிகவரித் துறையில் 1,33,541 கோடி ரூபாய் வருவாய் ஈட்டப்பட்டுள்ளதாக வணிகவரித் துறை அமைச்சர் பி.மூர்த்தி தகவல் தெரிவித்துள்ளார். இது 2021-22 நிதியாண்டை விட 28,448 கோடி ரூபாய் வருவாய் கூடுதலாகும்.சென்னையில் 360வது நாளாக பெட்ரோல், டீசல் விலையில் மாற்றம் இல்லை. ஒரு லிட்டர் பெட்ரோல் விலை 102.63 ரூபாய்க்கும், ஒரு லிட்டர் டீசல் விலை 94.24 ரூபாய்க்கும் விற்பனை செய்யப்படுகிறது.
விளையாட்டு
நடப்பு ஐபிஎல் தொடரில் குஜராத் டைட்டன்ஸ் முதல் அணியாக பிளே ஆஃப் சுற்றுக்கு முன்னேறியது. இதுவரை விளையாடிய 13 போட்டிகளில் 9 வெற்றிகளை பதிவு செய்து புள்ளிப் பட்டியலில் முதலிடத்தில் இருக்கிறது.