இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பல படங்கள்ரஜினி அண்ணாத்த படத்திற்கு பிறகு நடிப்பாரா இல்லையா என்ற கேள்வி எழுந்து வந்தது. அந்த கேள்விகளுக்கெல்லாம் ரஜினி அடுத்தடுத்து படங்களில் நடித்து பதிலடி கொடுத்து வருகின்றார். நெல்சனின் இயக்கத்தில் ஜெயிலர் படத்தில் நடித்துள்ள ரஜினி அடுத்ததாக ஐஸ்வர்யாவின் இயக்கத்தில் உருவாகும் லால் சலாம் படத்தில் சிறப்பு தோற்றத்தில் நடித்து வருகின்றார். இப்படத்தை முடித்துவிட்டு ஜெய் பீம் படத்தை இயக்கிய ஞானவேலின் இயக்கத்தில் தலைவர் 170 படத்தில் வித்யாசமான ரோலில் நடிக்கும் ரஜினி தன் 171 ஆவது படத்திற்காக லோகேஷுடன் கூட்டணி அமைக்கவுள்ளார். இந்நிலையில் ரஜினியின் இந்த லைன் அப்ஸ் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது
எதிர்பார்ப்புகமர்ஷியல் படங்களாக தேர்தெடுத்து வெற்றிகளை குவித்து வந்த ரஜினி தற்போது வித்யாசமான படங்களை இயக்கும் இயக்குனர்களோடு கூட்டணி அமைத்துள்ளது கோலிவுட் வட்டாரத்தில் ஆச்சர்யமாக பார்க்கப்படுகின்றது. டார்க் காமெடி படங்களை இயக்கும் நெல்சனின் இயக்கத்தில் ஜெயிலர், ஐஸ்வர்யாவின் படத்தில் சிறப்பு தோற்றத்தில் நடிக்கும் ரஜினி , ஜெய் பீம் போன்ற புரட்சிகரமான படங்களை இயக்கும் ஞானவேல் என ரஜினி வித்யாசமான படங்களை இயக்கும் இயக்குனர்களின் இயக்கத்தில் நடித்து வருகின்றார். இதையடுத்து லோகேஷ் கனகராஜின் இயக்கத்திலும் ரஜினி ஒரு படத்தில் நடிக்க பேச்சுவார்த்தை போய்க்கொண்டிருக்கிறது
நம்பிக்கைநெல்சனின் இயக்கத்தில் ரஜினியின் நடிப்பில் உருவாகும் ஜெயிலர் திரைப்படம் தற்போது இறுதிக்கட்டத்தை எட்டியுள்ளது. படப்பிடிப்பு எல்லாம் முடிவடைந்து தற்போது போஸ்ட் ப்ரொடக்ஷன் வேலைகள் அதி தீவிரமாக நடைபெற்று வருகின்றது. இந்நிலையில் அனிருத்தின் இசையில் சன் பிக்சர்ஸ் தயாரிப்பில் உருவாகும் இப்படத்தை சமீபத்தில் ரஜினி பார்த்ததாகவும், பார்த்துவிட்டு முழு திருப்தியில் இருப்பதாகவும் தகவல் வந்துள்ளது. ஒரு வெற்றிப்படத்திற்காக காத்துக்கொண்டிருக்கும் ரஜினிக்கு ஜெயிலர் திரைப்படம் எதிர்பார்த்த வெற்றியை பெற்று தரும் என அனைவராலும் நம்பப்படுகின்றது. இந்நிலையில் ஜெயிலர் திரைப்படம் ஆகஸ்ட் 10 ஆம் தேதி திரையில் வெளியாகும் என அதிகாரபூர்வமாக அறிவிக்கப்பட்டது
ரஜினிக்கு வில்லனாக விக்ரம்இந்நிலையில் ஞானவேலின் இயக்கத்தில் ரஜினி தன் 170 ஆவது திரைப்படத்தில் நடிக்கின்றார் என அதிகாரபூர்வமாக அறிவிக்கப்பட்டது. இதையடுத்து இப்படத்தின் படப்பிடிப்பு மே மாதம் இறுதியில் துவங்கும் என எதிர்பார்க்கப்படுகின்றது. இப்படமும் ஜெய் பீம் படத்தை போல ஒரு உண்மை சம்பவத்தை அடிப்படையாக கொண்டு உருவாக்கப்படுவதாக தகவல் வந்தது. மேலும் இப்படத்தில் ரஜினி ஓய்வு பெற்ற காவல் அதிகாரியாக நடிப்பதாகவும் பேசப்பட்டு வந்தது. இந்நிலையில் தற்போது வந்த தகவலின் படி தலைவர் 170 படத்தில் ரஜினிக்கு வில்லனாக நடிகர் விக்ரம் நடிப்பதாக தெரிகின்றது. மேலும் இப்படத்தில் நடிப்பதற்காக விக்ரமிற்கு மிகப்பெரிய தொகையை சம்பளமாக தயாரிப்பு நிறுவனம் வழங்கியிருப்பதாகவும் தகவல்கள் வருகின்றன. விரைவில் இதைப்பற்றிய அதிகாரபூர்வ அறிவிப்பு வெளியாகும் என் எதிர்பார்க்கப்படுகின்றது குறிப்பிடத்தக்கது