தமிழ் சினிமாவில் தற்போதைய முன்னணி நடிகர்களில் ஒருவராக திகழ்பவர் சிவகார்த்திகேயன். சின்னத்திரையில் டான்ஸ், மிமிக்ரி என கலக்கி வந்த இவர் தற்போது சினிமாவில் டாப் நடிகராக திகழ்கிறார். இவரது நடிப்பில் பிரம்மாண்டமாக ‘எஸ்கே 21’ படம் உருவாகி வருகிறது. இந்நிலையில் இந்தப்படம் குறித்த லேட்டஸ்ட் அப்டேட் இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சிவகார்த்திகேயன் தற்போது ‘மாவீரன்’ என்ற படத்தில் நடித்து வருகிறார். இந்தப்படத்தை மடோன் அஸ்வின் இயக்கி வருகிறார். யோகி பாபு நடிப்பில் வெளியாகி விமர்சனரீதியாக அமோகமான வரவேற்பை பெற்ற ‘மண்டேலா’ படத்தை இயக்கியவர் இவர். இந்தப்படத்திற்கு கிடைத்த வரவேற்பால் தனது இரண்டாவது படத்திலே சிவகார்த்திகேயனை இயக்கும் வாய்ப்பை கைப்பற்றினார் மடோன் அஸ்வின்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதன் படப்பிடிப்பு கடந்த சில மாதங்களாக மும்முரமாக நடந்து வந்தது. இந்தப்படத்தில் பிரம்மாண்ட இயக்குனர் ஷங்கரின் மகள் அதிதி ஹீரோயினாக நடித்து வருகிறார். இவர்களுடன் இயக்குனர் மிஷ்கின், சரிதா, யோகி பாபு உள்ளிட்டோர் நடித்து வருகின்றனர். இந்தப்படத்தை எப்படியாவது ஹிட்டாக்கி விட வேண்டும் என்ற முனைப்புடன் செயல்பட்டு வருகிறார் சிவகார்த்திகேயன். மாவீரன் படம் ஜுலை 14 ஆம் தேதி ரிலீஸ் ஆகவுள்ளது.
இதனிடையில் சிவகார்த்திகேயனின் 21 வது படம் குறித்த அறிவிப்பு அண்மையில் வெளியானது. உலக நாயகனின் ராஜ் கமல் பிலிம்ஸ் இந்தப்படத்தை தயாரிக்கிறது. ராஜ்குமார் பெரியசாமி இயக்கும் இந்தப்படத்தில் சாய் பல்லவி ஹீரோயினாக நடிக்கிறார். இந்தப்படத்தில் சிவகார்த்திகேயன் இராணுவ வீராக நடிக்கிறார். இந்தப்படத்தின் அறிவிப்பை தொடர்ந்து படப்பிடிப்பிற்காக காஷ்மீர் பறந்தனர் படக்குழுவினர்.
Leo: சஸ்பென்ஸ் மேல் சஸ்பென்ஸ் வைக்கும் லோகேஷ்: ‘லியோ’ படத்தின் மாஸ் அப்டேட்.!
இந்நிலையில் அங்கு படப்பிடிப்பு துவங்கிய நிலையில் திடீரென ஷுட்டிங் நிறுத்தப்பட்டுள்ளதாக தகவல்கள் வெளியாகியுள்ளன. காஷ்மீரில் ஒருசில பாதுகாப்பு காரணங்களால் அங்குள்ள அதிகாரிகள் படப்பிடிப்பை நிறுத்தியுள்ளதாக கூறப்படுகிறது. இதனால் படக்குழுவினர் சென்னை திரும்பியுள்ளனர். இதனையடுத்து அங்கு நிலைமை சரி செய்யப்பட்டு பிறகு படக்குழுவினர் மீண்டும் காஷ்மீர் செல்வார்கள் என எதிர்பார்க்கப்படுகிறது.
இதனிடையில் சிவகார்த்திகேயன் நடிப்பில் நீண்ட காலமாக தயாரிப்பில் இருக்கும் ‘அயலான்’ படமும் ரரிலீஸ் ஆகவுள்ளது. ‘இன்று நேற்று நாளை’ ரவிக்குமார் இயக்கத்தில் இந்தப்படம் உருவாகியுள்ளது. ரகுல் பரீத் சிங் ஹீரோயினாக நடித்துள்ள இந்தப்படத்திற்கு ஏ.ஆர். ரஹ்மான் இசையமைக்கிறார். இந்தியாவில் உருவாகும் முதல் ஏலியன் சயின்ஸ் பிக்சன் படமாக இந்தப்படம் உருவாக்கப்பட்டுள்ளது. ‘அயலான்’ படம் வரும் தீபாவளிக்கு ரிலீசாகவுள்ளது குறிப்பிடத்தக்கது.
எல்லாம் முடிஞ்சதுன்னு நினைத்தேன்: விபத்து குறித்து உருக்கமாக பேசிய பாத்திமா விஜய் ஆண்டனி.!