இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பாரதிராஜா இயக்கத்தில் ராதிகா சரத்குமார், விஜயகுமார் நடிப்பில் வெளியான கிழக்குச் சீமையிலே படம் மூலம் நடிகரானவர் செவ்வாழை ராசு. தேனி மாவட்டத்தில் இருக்கும் கோரையூத்து கிராமத்தை சேர்ந்த அவர் அமீர் இயக்கத்தில் கார்த்தி நடிப்பில் வெளியான பருத்திவீரன் படத்தில் பிணம் தின்னி எனும் கதாபாத்திரத்தில் நடித்து பிரபலமானார்.
“வாழ்க்கைய Enjoy பண்ணுங்க” நடிகை தேவையாணி வேண்டுகோள் !
மைனா, கந்தசாமி உள்பட 70க்கும் மேற்பட்ட படங்களில் சிறு கதாபாத்திரங்களில் நடித்திருக்கிறார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
செவ்வாழை ராசுவுக்கு உடல்நலக் குறைவு ஏற்பட்டு மதுரையில் இருக்கும் தனியார் மருத்துவமனையில் அனுமதிக்கப்பட்டார். இந்நிலையில் அவர் சிகிச்சை பலனின்றி இன்று உயிரிழந்தார். அவருக்கு வயது 70.
செவ்வாழை ராசுவுக்கு மூன்று மகன்கள் இருக்கிறார்கள். ராசுவின் மரண செய்தி அறிந்த திரையுலக பிரபலங்களும் ரசிகர்களும் அதிர்ச்சி அடைந்துள்ளனர்.
திரையுலகை சேர்ந்த பிரபலம் இறந்துவிட்டார் என அடிக்கடி தகவல் வெளியாகிறதே. இது திரையுலகிற்கு நல்லது இல்லை என்கிறார்கள் ரசிகர்கள்.
படங்கள் மற்றும் டிவி சீரியல்களில் நடித்து வந்த மூத்த நடிகை விஜயலட்சுமி நேற்று முன்தினம் காலமானார். அவருக்கு வயது 70. இயக்குநரும், நடிகருமான மனோபாலா மே 3ம் தேதி காலமானார். அவருக்கு வயது 69.
மே மாதம் துவங்கி பாதி தான் முடிந்திருக்கிறது. அதற்குள் மூன்று பேரை இழந்துவிட்டது திரையுலகம் என ரசிகர்கள் வருத்தப்படுகிறார்கள். மறை்நத நடிகர் செவ்வாழை ராசுவின் ஆத்மா சாந்தியடைய பிரார்த்தனை செய்வதாக ரசிகர்கள் தெரிவித்துள்ளனர்.
Leo: விஜய் ஒரு குழந்தை மாதிரி: லியோ செட்டில் என்ன செஞ்சிருக்கார்னு பாருங்க
செவ்வாழை ராசுவுக்கு கணீர் என்ற குரல். வேலாயுதம் படத்தில் தளபதி விஜய்யை கலாய்த்திருப்பார்.
வேலாயுதம் என்பவர் வந்து மக்களை காப்பாற்றுகிறார் என்கிற செய்தியை டீக்கடை ரேடியோவில் கேட்டதும் அண்ணே நானும் வேலாயுதம் தான் என செவ்வாழை ராசுவிடம் கூறுவார் விஜய். அதை கேட்ட ராசுவோ, நாயை கண்டாலே பேயை கண்ட மாதிரி பயப்படுகிற, நீ போய் வேலாயுதம்னு வெளியே சொன்னால் அசிங்கமாகப் போயிடும் என்பார்.
செவ்வாழை ராசு மக்கள் திலகம் எம்.ஜி.ஆரின் தீவிர ரசிகர். எம்.ஜி.ஆர். படங்களை விரும்பி பார்ப்பாராம். அப்படி படம் பார்த்து பார்த்து நானும் ஒரு நாள் படங்களில் நடிக்க வேண்டும் என ஆசைப்பட்டாராம்.
அப்பொழுது தான் கிழக்குச் சீமையிலே படத்தில் நடிக்க வாய்ப்பு கிடைத்திருக்கிறது.