இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சிவகார்த்திகேயன் தற்போது மாவீரன் படத்தில் நடித்து முடித்துள்ளார். அஸ்வின் இயக்கத்தில் உருவாகும் இப்படத்தின் படப்பிடிப்பு எல்லாம் முடிவடைந்து தற்போது போஸ்ட் ப்ரொடக்ஷன் வேலைகள் மிக தீவிரமாக நடைபெற்று வருகின்றது.
முதலில் இப்படம் ஆகஸ்ட் மாதம் வெளியாவதாக அதிகாரபூர்வமாக அறிவிக்கப்பட்டது. ஆனால் அம்மாதம் ரஜினியின் ஜெயிலர் திரைப்படமும் வெளியாவதாக அறிவிப்பு வந்ததால் மாவீரன் படத்தை ஜூலை மாதம் வெளியிட படக்குழு முடிவெடுத்துள்ளது. அதன் படி மாவீரன் திரைப்படம் ஜூலை 14 ஆம் தேதி திரையில் வெளியாகும் என படக்குழு அறிவித்தது.
Jailer: ஜெயிலர் ஆடியோ லான்ச்..சிறப்பு விருந்தினர்களாக இவர்களா ? நடந்தா நல்லாத்தான் இருக்கும்..!
இதையடுத்து சிவகார்த்திகேயன் ராஜ்
கமல்
பிலிம்ஸ் சார்பாக கமல் தயாரிப்பில் ராஜ்குமார் பெரியசாமி இயக்கத்தில் ஒரு படத்தில் நடித்து வருகின்றார். இப்படம் சிவகார்த்திகேயனின் பாணியில் இருந்து முற்றிலும் மாறுபட்ட படமாக உருவாக இருக்கின்றதாம். ஒரு ராணுவ வீரனின் வாழ்க்கையை பற்றிய படமாக உருவாவதால் சிவகார்த்திகேயன் பிரத்யேகமாக இப்படத்திற்காக பயிற்சிகள் மேற்கொண்டு தயாரானார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து தற்போது இப்படத்தின் படப்பிடிப்பு காஷ்மீரில் நடைபெற்று வருகின்றது. இந்நிலையில் ஏற்கனவே விஜய் மற்றும் லோகேஷ் கனகராஜ் கூட்டணியில் உருவாகும் லியோ திரைப்படம் காஷ்மீரில் படமாக்கப்பட்டு வந்ததை அடுத்து தற்போது சிவகார்த்திகேயனின் SK21 திரைப்படமும் காஷ்மீரில் படமாக்கப்பட்டு வருகின்றது.
எனவே இதன் காரணமாக லியோ திரைப்படத்தின் படப்பிடிப்பு நடைபெற்ற லொகேஷனில் நம் படத்தை படமாக்க வேண்டாம் என்றும், அந்த லொகேஷனை தவிர்த்து விட்டு வேறு லொகேஷனில் படமாக்கலாம் என்றும் சிவகார்த்திகேயன் இயக்குனரிடம் கூறிவிட்டாராம்.
ஏனென்றால் லியோ படத்தில் வரும் லொகேஷனே SK21 படத்திலும் வந்தால் விஜய்யை பார்த்து காப்பி அடிப்பதாக சிலர் பேசுவார்கள். எனவே அதை தவிர்க்கவே தான் சிவகார்த்திகேயன் இந்த முடிவை எடுத்துள்ளார் என தெரிகின்றது.
ஏற்கனவே விஜய்யின் பார்முலாவையும், அவரின் ஸ்டைலையும் சிவகார்த்திகேயன் பின்தொடர்வதாக சில விமர்சனங்கள் எழுந்த நிலையில் இதனை தவிர்க்கவே சிவகார்த்திகேயன் இந்த முடிவை எடுத்துள்ளார்.
இதையடுத்து லியோ படத்தின் படப்பிடிப்பு நடைபெற்ற இடங்களை தவிர்த்து மற்ற இடங்களில் படப்பிடிப்பு நடத்த படக்குழு திட்டமிட்டுள்ளது.
இந்நிலையில் கமலின் தயாரிப்பில் உருவாகும் இப்படம் சிவகார்த்திகேயனின் திரைவாழ்க்கையில் மிக முக்கியமான படமாக இருக்கும் என்று கோலிவுட் வட்டாரத்தில் பேசப்பட்டு வருகின்றது என்பது குறிப்பிடத்தக்கது.