கடந்த வாரம் திரையரங்குகளில் வெளியாகி ரசிகர்கள் மத்தியில் வரவேற்பினை பெற்று படம் ‘குட் நைட்’. விக்ரம் வேதா, காலா, ஜெய் மீம் உள்ளிட்ட படங்களில் சிறப்பான நடிப்பை வெளிப்படுத்தி கவனம் ஈர்த்தவர் மணிகண்டன். இவரின் யதார்த்த நடிப்பில் ரிலீசாகி பீல் குட் மூவி என்ற பாராட்டுக்களை அள்ளி வருகிறது ‘குட் நைட்’.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
‘ஜெய் பீம்’ புகழ் மணிகண்டன், ‘முதல் நீ முடிவும் நீ’ பட ஹீரோயின் மீதா ரகுநாத் முதன்மை கதாபாத்திரங்களில் நடித்துள்ள இந்தப்படத்தில் பாலாஜி சக்திவேல், ரமேஷ் திலக், பக்ஸ், ரேச்சல் ரெபெக்கா, ஜெகன் கிருஷ்ணன் உள்ளிட்டோர் முக்கியமான கதாபத்திரங்களில் நடித்துள்ளனர். விநாயக் சந்திரசேகரன் என்பவர் இயக்கியுள்ள இந்தப்படத்தில் ஷான் ரோல்டன் இசையமைத்துள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
குறட்டை பிரச்சனையை மையமாக வைத்து நகைச்சுவையுடன் இந்தப்படத்தை இயக்கியுள்ளார் விநாயக் சந்திரசேகரன். குறட்டை பிரச்சனையால் அவதிப்படும் ஹீரோவாக மணிகண்டன், அவரின் மனைவியாக மீதா ரகுநாத், ஹீரோவின் அக்கா கணவராக வரும் ரமேஷ் திலக், வயதான தம்பதியினர்களாக வரும் பாலாஜி சக்திவேல், கெளசல்யா நடராஜன் உள்ளிட்ட அனைவருமே சிறப்பான நடிப்பை வழங்கியுள்ளனர்.
ஓடிடியில் வெளியாகி கவனம் ஈர்க்கும் ‘மாடர்ன் லவ் சென்னை’: முழு விமர்சனம் இதோ.!
இந்தப்படத்திற்கு கிடைத்த வரவேற்பால் ரிலீசுக்கு பின்பு திரையரங்குகள் அதிகப்படுத்தப்பட்டுள்ளன. எமோஷனல் பீல் குட் டிராமா என்ற பாராட்டுக்களையும் அள்ளி வருகிறது ‘குட் நைட்’ படம். இந்நிலையில் தான் இந்தப்படத்திற்கு வாழ்த்து தெரிவித்து இயக்குனர் லோகேஷ் கனகராஜ் தனது ட்விட்டர் பக்கத்தில் பதிவு ஒன்றை பகிர்ந்துள்ளார்.
அதில், ‘குட் நைட்’ படம் பார்த்தேன். கலகலப்பாக, எமோஷனலாக மற்றும் யதார்த்தமாக உள்ளது. நன்றாக ரசித்து பார்க்கக்கூடிய ஒரு படம். மணிகண்டன் மற்றும் படக்குழுவினர் அனைவரும் சிறப்பான நடிப்பை வெளிப்படுத்தியுள்ளனர் என குறிப்பிட்டு படக்குழுவினருக்கு வாழ்த்து தெரிவித்துள்ளார். அண்மையில் விருது விழா மேடை ஒன்றில் கமலின் தீவிர ரசிகர் என்ற இடத்தை விட்டு கொடுக்க மாட்டேன் என லோகேஷ் கனகராஜும், மணிகண்டனும் மாறி மாறி மேடையில் பேசி கொண்டது குறிப்பிடத்தக்கது.
விஜய்க்காக கொள்கையை தளர்த்தி கொண்ட வெங்கட் பிரபு: ‘தளபதி 68’ படத்தில் அதிரடி மாற்றம்.!