இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தொடர் வெற்றிசிம்புவின் திரைப்பயணத்தை நாம் மாநாடு படத்திற்கு முன் மாநாடு படத்திற்கு பின் என இரண்டாக பிரிக்கலாம். என்னதான் மாநாடு படத்திற்கு முன்பும் சிம்பு பல வெற்றிப்படங்களை கொடுத்தாலும் மாநாடு படம் வெளியான பின்னர் தன் ஒவ்வொரு படத்தையும் பார்த்து பார்த்து தேர்வு செய்து வருகின்றார். அதன் காரணமாகவே மாநாடு, வெந்து தணிந்தது காடு, பத்து தல என ஹாட்ரிக் வெற்றியை பதிவு செய்துள்ளார் சிம்பு. தன் நடிப்பு திறனுக்கு தீனிபோடும் அளவிற்கு இருக்கும் கதாபாத்திரங்களையும், கதையையும் தேர்ந்தெடுத்து வெற்றிகண்டு வருகின்றார் சிம்பு. குறிப்பாக வெந்து தணிந்தது காடு திரைப்படத்தில் 18 வயது இளைஞனாக நடித்து அனைவரது பாராட்டையும் பெற்றார் சிம்பு
உயரும் மார்க்கெட்மாநாடு படத்தின் வெற்றி சிம்புவின் மார்க்கெட்டை மீண்டும் நிலைநாட்டியது. அப்படத்திற்கு பிறகு சிம்புவிற்கு டாக்டர் பட்டம், டிவி நிகழ்ச்சியை தொகுத்து வழங்கும் வாய்ப்பு என அவரது மார்க்கெட் சரசரவென உயர துவங்கியது. மேலும் மாநாடு படத்திற்கு பிறகு வெளியான வெந்து தணிந்தது காடு மற்றும் சமீபத்தில் வெளியான பத்து தல ஆகிய படங்களும் வெற்றி படங்களாக அமைந்ததால் சிம்புவின் சம்பளமும் மளமளவென உயர்ந்தது. இதையடுத்து தற்போது ராஜ் கமல் பிலிம்ஸ் சார்பாக கமல் தயாரிக்கும் மிகப்பிரமாண்டமான படத்தில் நடிக்க இருக்கின்றார் சிம்பு
எதிர்பார்ப்புதொடர் வெற்றிகளை குவித்து வரும் சிம்பு அடுத்தடுத்து நடித்து வரும் படங்களின் மீது மிகப்பெரிய எதிர்பார்ப்பு இருந்து வருகின்றது. கதைகளையும் இயக்குனரையும் தேர்தெடுத்து நடித்து வரும் சிம்பு இனி வரும் காலங்களிலும் தொடர்வெற்றிகளை பெற்று அடுத்தகட்டத்துக்கு செல்வார் என எதிர்பார்க்கப்படுகின்றது. சவாலான கதாபாத்திரங்களில் நடித்து பாராட்டை பெற்று பல விருதுகளையும் சிம்பு பெற வேண்டும் என்பதே அவரது ரசிகர்களின் எண்ணமாக இருக்கின்றது.
தன்னையே மாற்றிக்கொண்ட சிம்புசிம்பு தற்போது ராஜ் கமல் பிலிம்ஸ் சார்பாக கமல் தயாரிக்கும் படத்தில் நடிக்கவுள்ளார். தேசிங்கு பெரியசாமி இயக்கத்தில் உருவாகும் இப்படம் நூறு கோடி பட்ஜெட்டில் தயாராக இருக்கின்றது. சிம்புவின் திரைப்பயணத்திலேயே அதிக பொருட்ச்செலவில் தயாராகும் படம் இதுதானாம். கமல் மற்றும் சிம்பு கூட்டணியில் ஒரு படம் உருவாக இருக்கின்றது என்றவுடன் எதிர்பார்ப்பு பலமடங்கு உயர்ந்தது. இந்நிலையில் இப்படத்தின் படப்பிடிப்பு விரைவில் துவங்கவுள்ள நிலையில் இப்படத்திற்காக சிம்பு தாய்லாந்த் சென்று தன் உடல் எடையை மேலும் குறைத்து தன் கெட்டப்பையும் மாற்றியுள்ளார். மேலும் இப்படத்தில் நடிப்பதற்காக தற்காப்பு கலையையும் கற்றுக்கொண்டுள்ளார் சிம்பு. எனவே கமலின் தயாரிப்பில் உருவாகும் இப்படத்தில் நாம் வித்யாசமான சிம்புவை பார்க்கலாம் என ரசிகர்கள் எதிர்பார்த்து காத்துக்கொண்டிருக்கின்றனர்