தமிழ் சினிமாவில் உச்ச நட்சத்திரமாக திகழ்பவர் விஜய். இவரது ஒவ்வொரு படங்களின் வெளியீட்டையும் திருவிழா போல் கொண்டாடுவார்கள் ரசிகர்கள். விஜய் தற்போது ‘லியோ’ படத்தில் நடித்து வரும் நிலையில் அடுத்ததாக வெங்கட் பிரபு இயக்கத்தில் நடிக்கவிருப்பதாக கூறப்படுகிறது. இந்தப்படம் குறித்த பேச்சுக்கள் தான் கடந்த சில நாட்களாக இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் நடிப்பில் கடைசியாக ‘வாரிசு’ படம் வெளியானது. தமிழ், தெலுங்கு மொழியில் ரிலீசான இந்தப்படத்தை சீரியல் போல் இருப்பதாக பலரும் ட்ரோல் செய்தாலும் வசூலில் மாஸ் காட்டியது ‘வாரிசு’. இதனையடுத்து தற்போது தமிழ் சினிமாவின் சென்சேஷனல் இயக்குனரான லோகேஷ் கனகராஜுடன் இணைந்துள்ளார் விஜய். ‘விக்ரம்’ படத்தின் பிரம்மாண்ட வெற்றியை தொடர்ந்து அவர் இயக்கும் படமாக ‘லியோ’ உருவாகி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘மாஸ்டர்’ படத்தின் வெற்றியை தொடர்ந்து விஜய், லோகேஷ் கனகராஜ் கூட்டணி இணையும் படம் என்பதால் லியோவிற்காக கோலிவுட் சினிமாவே ஆர்வமுடன் காத்திருக்கிறது. இந்தப்படத்தை முழுக்க முழுக்க தன்னுடைய பாணியில் இயக்கி வருகிறார் லோகேஷ் கனகராஜ். இதன் முதல்கட்ட படப்பிடிப்பு ஒரு மாதங்களுக்கு மேலாக காஷ்மீரில் நடைபெற்றது.
‘லியோ’ படத்தின் படப்பிடிப்பே இன்னமும் முழுவதுமாக நிறைவடையாத நிலையில் விஜய்யின் அடுத்த படத்தை வெங்கட் பிரபு இயக்கவுள்ளதாக தகவல்கள் வெளியாகி இணையத்தில் வைரலாகி வருகிறது. ‘தளபதி 68’ படத்தை அட்லீ இயக்குவார் என கூறப்பட்ட நிலையில் திடீர் ட்விஸ்ட்டாக விஜய்யை இயக்கும் வாய்ப்பை வெங்கட் பிரபு கைப்பற்றியுள்ளார்.
Lokesh Kanagaraj: கமலின் வெறித்தனமான ரசிகரின் படத்தை பாராட்டிய லோகேஷ்: பெரிய மனசு தான்.!
இந்தப்படத்தை ஏஜிஎஸ் நிறுவனம் தயாரிக்கவுள்ளதாக கூறப்படுகிறது. இந்தப்படத்திற்காக விஜய் 200 கோடி சம்பளம் வாங்கவுள்ளதாக இணையத்தில் தீயாய் செய்திகள் பரவி வருகிறது. இந்நிலையில் இந்த தகவல் குறித்து பேசியுள்ள வலைப்பேச்சு பிஸ்மி, இந்த செய்தியில் உண்மையில்லை என கூறியுள்ளார். ஏஜிஎஸ் நிறுவனமும் இந்தளவுக்கு சம்பளம் கொடுக்க வாய்ப்பே இல்லை என்றும் தெரிவித்துள்ளார். இதனால் ‘தளபதி 68’ படத்திற்காக விஜய் 200 கோடி வாங்குவதாக பரவிய வதந்திகளுக்கு முற்றுப்புள்ளி வைக்கப்பட்டுள்ளது.
விஜய் தற்போது நடித்து வரும் ‘லியோ’ படத்திற்காக ரூ. 125 கோடி சம்பளம் வாங்கியுள்ளார். ‘லியோ’ படத்தில் பாலிவுட் நடிகர் சஞ்சய் தத், பிரபல இயக்குனர்கள் மிஷ்கின், கெளதம் மேனன் மற்றும் திரிஷா, அர்ஜுன், பிரியா ஆனந்த், மன்சூர் அலிகான், சாண்டி மாஸ்டர் உள்ளிட்டோர் நடித்து வருகின்றனர். அனிருத் இசையமைக்கும் ‘லியோ’ படத்தை செவன் ஸ்கிரீன் ஸ்டுடியோ தயாரித்து வருவது குறிப்பிடத்தக்கது.
ஓடிடியில் வெளியாகி கவனம் ஈர்க்கும் ‘மாடர்ன் லவ் சென்னை’: முழு விமர்சனம் இதோ.!