விஜய் ஆண்டனி நடிப்பில் உருவாகியுள்ள ‘பிச்சைக்காரன் 2’ படம் திரையரங்குகளில் வெளியாகி வரவேற்பை பெற்று வருகிறது. இதன் முதல் பாகம் அமோக வரவேற்பை பெற்ற நிலையில் தற்போது இரண்டாம் பாகம் வெளியாகியுள்ளது. இந்நிலையில் ‘பிச்சைக்காரன் 2’ படத்தின் முதல்நாள் வசூல் குறித்த தகவல்கள் வெளியாகி இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
இசையமைப்பாளராக தமிழ் சினிமாவில் பல ஹிட் பாடல்களை கொடுத்து கவனம் ஈர்த்தவர் விஜய் ஆண்டனி. இதனையடுத்து ஹீரோவாக களமிறங்கிய இவர் பல ஹிட் படங்களையும் கொடுத்தார். தயாரிப்பாளராகவும் முத்திரை பதித்த விஜய் ஆண்டனி தற்போது ‘பிச்சைக்காரன் 2’ படத்தின் மூலம் ஹீரோவாகவும் களமிறங்கியுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த ஆறு ஆண்டுகளுக்கு முன்பாக ‘பிச்சைக்காரன்’ முதல் பாகம் வெளியாகி ரசிகர்கள் மத்தியில் அமோக வரவேற்பை பெற்றது. சசி இந்தப்படத்தை இயக்கியிருந்தார். இதனையடுத்து தற்போது இதன் இரண்டாம் பாகம் ரிலீசாகியுள்ளது. மலேசியா உள்ளிட்ட பகுதிகளில் இதன் படப்பிடிப்பு நடந்த சமயத்தில் விஜய் ஆண்டனி கடுமையான விபத்தில் சிக்கினார்.
தற்போது முழுவதுமாக குணமடைந்துள்ள விஜய் ஆண்டனி கடந்த சில வாரங்களாக ‘பிச்சைக்காரன் 2’ பட புரமோஷனில் பிசியாக இறங்கினார். இந்நிலையில் நேற்றைய தினம் வெளியாகியுள்ள இந்தப்படம் கலவையான விமர்சனங்களை பெற்று வருகிறது. இந்தப்படத்தில் விஜய் ஆண்டனியுடன் காவ்யா தபார், ஹரிஷ் பேரடி, ஜான் விஜய், யோகி பாபு உள்ளிட்ட பலர் நடித்துள்ளனர்.
Suriya: துப்பாக்கி சூட்டில் உயிரிழந்த தீவிர ரசிகை: கண்ணீருடன் அஞ்சலி செலுத்திய நடிகர் சூர்யா.!
இந்நிலையில் இந்தப்படத்தின் முதல் நாள் வசூல் குறித்த தகவல்கள் வெளியாகியுள்ளன. அதன்படி ஆந்திரா, தெலுங்கானா மாநிலங்களில் முதல் நாளில் நான்கு கோடி வரை வசூலித்துள்ளதாக கூறப்படுகிறது. அதே போல் தமிழில் மூன்று கோடி என மொத்தம் ஏழு கோடி வரை ‘பிச்சைக்காரன் 2’ படம் முதல் நாளில் வசூல் செய்துள்ளதாக தகவல்கள் வெளியாகியுள்ளன.
இதுவரை வெளியான விஜய் ஆண்டனி படங்களிலே ‘பிச்சைக்காரன் 2 படத்தின் முதல் நாள் வசூல் தான் அதிகம் என கூறப்படுகிறது. மேலும், அடுத்தடுத்து வார இறுதி நாட்கள் கோடை விடுமுறை நாட்கள் இருப்பதால் படத்தின் வசூல் மேலும் அதிகரிக்கும் என கூறப்படுகிறது.
Rajinikanth: ஸ்டைலா, கெத்தா, மாஸாக சென்னை திரும்பிய ரஜினி: மாஸ் காட்டுறாரே..!