இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தன் கெரியரில் அழகாக கவனம் செலுத்தி வருகிறார் கீர்த்தி சுரேஷ். தமிழ் தவிர்த்து மலையாளம், தெலுங்கு திரையுலகிலும் முன்னணி நடிகையாக இருக்கிறார் கீர்த்தி.
லோகேஷ் மாதிரி யாரும் பண்ண மாட்டாங்க
இந்நிலையில் கீர்த்தியின் திருமண பேச்சு கிளம்பியிருக்கிறது. தானும், கீர்த்தி சுரேஷும் ஒரு நிற உடையில் சந்தோஷமாக சிரித்தபடி எடுத்த புகைப்படத்தை சமூக வலைதளத்தில் வெளியிட்டார் துபாயை சேர்ந்த தொழில் அதிபரான ஃபர்ஹான் பின் லியாகத். பின்னர் அந்த புகைப்படத்தை தானும் போஸ்ட் செய்து ஃபர்ஹானுக்கு நன்றி தெரிவித்தார் கீர்த்தி. இந்நிலையில் தான் ஃபர்ஹானுடன் சேர்ந்து இருக்கும் மேலும் ஒரு புகைப்படத்தை இன்ஸ்டாகிராமில் வெளியிட்டுள்ளார் கீர்த்தி.
இதையடுத்து கீர்த்தியும், ஃபர்ஹானும் காதலிக்கிரார்கள் என்று பேச்சு கிளம்பியிருக்கிறது. மேலும் ஃபர்ஹானும், கீர்த்தியும் விரைவில் திருமணம் செய்து கொள்ளப் போவதாகவும் பேசப்படுகிறது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அண்மையில் தான் கீர்த்தியின் காதல் வாழ்க்கை பற்றி பரபரப்பாக பேசப்பட்டது. பள்ளியில் தன்னுடன் சேர்ந்து படித்த ஒருவரை கீர்த்தி சுரேஷ் காதலிப்பதாக கூறப்பட்டது. பள்ளி காலத்தில் இருந்து காதலித்து வரும் அவர்கள் நான்கு ஆண்டுகள் கழித்து திருமணம் செய்து கொள்ள முடிவு செய்திருப்பதாக தகவல் வெளியானது.
ஃபர்ஹான் விஷயம் பற்றி கீர்த்தி சுரேஷ் எதுவும் தெரிவிக்கவில்லை. ஃபர்ஹான் கண்டிப்பாக நண்பராக இருக்க வாய்ப்பு அதிகம். ஒரு ஆணுடன் சேர்ந்து நின்று புகைப்படம் எடுத்தால் அது காதலாகத் தான் இருக்க வேண்டும் என்கிற அவசியம் இல்லை. அதனால் கீர்த்தி சொல்லும் வரை எதையும் நம்ப முடியாது என்கிறார்கள் ரசிகர்கள்.
Kamal Haasan:யாரும் எதிர்பாராத ஆளுடன் கூட்டணி சேர்ந்த கமல்: இவர் லிஸ்டலயே இல்லயே ஆண்டவரே
மேலும் ஒரு தொழில் அதிபருக்கும், கீர்த்தி சுரேஷுக்கும் விரைவில் திருமணம் என செய்தி வெளியாவது இது ஒன்றும் முதல் முறை அல்ல. இந்த திருமண வதந்தி எல்லாம் எங்கிருந்து தான் கிளம்புகிறது என்றே தெரியவில்லை என கீர்த்தியின் அம்மா முன்பு தெரிவித்தார்.
கீர்த்தி தற்போது மாரி செல்வராஜ் இயக்கத்தில் அமைச்சர் உதயநிதி ஸ்டாலினுடன் சேர்ந்து மாமன்னன் படத்தில் நடித்து முடித்துள்ளார். அவர் உதயநிதி ஸ்டாலினுடன் சேர்ந்து நடித்திருப்பது இது தான் முதல் முறையாகும்.
மேலும் மெஹர் ரமேஷ் இயக்கத்தில் போலா ஷங்கர் படத்தில் நடித்து வருகிறார் கீர்த்தி. அஜித் குமார் நடிப்பில் கடந்த 2015ம் ஆண்டு வெளியான வேதாளம் படத்தின் தெலுங்கு ரீமேக் தான் இந்த போலா ஷங்கர். அஜித் கதாபாத்திரத்தில் மெகா ஸ்டார் சிரஞ்சீவியும், லட்சுமி மேனன் கதாபாத்திரத்தில் கீர்த்தியும், ஸ்ருதி ஹாசன் கதாபாத்திரத்தில் தமன்னாவும் நடித்து வருகிறார்கள். படத்தை ஆகஸ்ட் மாதம் ரிலீஸ் செய்யவிருக்கிறார்கள்.
Tamannaah: பாலகிருஷ்ணா படத்தில் ஒரு பாட்டுக்கு ஆட ரூ. 5 கோடி கேட்டேனா?: தமன்னா
கீர்த்தி கையில் சைரன், ரிவால்வர் ரீட்டா, ரகு தாத்தா ஆகிய மூன்று தமிழ் படங்கள் இருக்கிறது. அவர் நடிப்பில் கடைசியாக வெளியான தசரா படம் நல்ல வரவேற்பை பெற்றது. அந்த படத்தில் நானிக்கு ஜோடியாக நடித்திருந்தார் கீர்த்தி சுரேஷ்.
இப்படி அவர் ஓய்வு எடுக்கக் கூட நேரமில்லாமல் நடித்துக் கொண்டிருக்கும்போது திருமண பேச்சு கிளம்பியிருக்கிறது. திருமண செய்திகள் குறித்து விளக்கம் அளித்து அளித்து கீர்த்தியும், குடும்பத்தாரும் டயர்டாகிவிட்டார்கள். அதனால் ஃபர்ஹான் விஷயத்தில் அவர்கள் விளக்கம் அளிக்காமல் இருந்தால் ஆச்சரியப்பட ஒன்றும் இல்லை.