தமிழ் உள்ளிட்ட தென்னிந்திய மொழிகளில் முக்கிய கதாபாத்திரங்களில் நடித்துள்ள பிரபல நடிகர் சரத்பாபு (71) இன்று காலமானார். இவரது இறப்புக்கு தென்னிந்திய சினிமா வட்டாரம் இரங்கல் தெரிவித்து வருகின்றது.
நடிகர் சரத்பாபு கடந்த மாதம் உடல்நலக்குறைவு காரணமாக பெங்களூருவில் உள்ள தனியார் மருத்துவமனையில் அனுமதிக்கப்பட்டுள்ளார். அங்கு அவருக்கு உடல்நிலை மோசமடைந்ததை அடுத்து ஹைதராபாத்தில் உள்ள ஏஐஜி மருத்துவமனையில் மாற்றப்பட்டார். அங்கு தீவிர சிகிச்சை பெற்று வந்த சரத்பாபு இன்று உயிரிழந்தார். அவரது உறுப்புகள் செயலிழந்ததன் காரணமாக உயிரிழந்ததாக மருத்துவமனை நிர்வாகம் அறிக்கை வெளியிட்டுள்ளது.
இந்த நிலையில் தமிழக முதல்வர்
சரத்பாபுவின் மறைவுக்கு இரங்கல் தெரிவித்துள்ளார். முதல்வர் தனது ட்விட்டர் பதிவில், தென்னிந்தியத் திரையுலகில் தனக்கெனத் தனி முத்திரை பதித்து வலம் வந்த நடிகர் சரத்பாபு அவர்கள் மறைந்தார் என்ற செய்தியறிந்து மிகவும் வருந்தினேன். அவரது மறைவால் வாடும் குடும்பத்தினர், திரையுலகினர், உறவினர்கள் மற்றும் நண்பர்களுக்கு எனது ஆழ்ந்த இரங்கல்” என தெரிவித்துள்ளார்.
அதேபோல தேமுதிக தலைவர்
‘ அருமை நண்பர் நடிகர் சரத்பாபு காலமானார் என்ற செய்தி கேட்டு அதிர்ச்சியும் மிகுந்த மன வேதனையும் அடைந்தேன். எனது நடிப்பில் வெளியான கஜேந்திரா உள்ளிட்ட பல படங்களில் என்னுடன் சேர்ந்து நடித்துள்ளார். மறைந்த சரத்பாபு பழகுவதற்கு மிகவும் இனிமையானவர். அனைவரிடமும் அன்பாக பழக கூடியவர். குணச்சித்திர கதாபாத்திரத்தில் நடித்து அதிக அளவில் பாராட்டுகளை பெற்றிருக்கிறார். சரத்பாபு பிரிவால் வாடும் அவரது குடும்பத்தினருக்கும், அவரது ரசிகர்களுக்கும் எனது ஆழ்ந்த இரங்கலையும் அனுதாபத்தையும் தெரிவித்துக்கொள்கிறேன்.அவரது ஆன்மா சாந்தி அடைய எல்லாம் வல்ல இறைவனை வேண்டுகிறேன்’ என கூறியுள்ளார்.
ஆந்திராவில் தெலுங்கு குடும்பத்தில் பிறந்த சரத்பாபு 1973 ஆம் ஆண்டு தெலுங்குத் திரைப்படமான ராம ராஜ்ஜியத்தின் மூலம் நடிகராக தனது வாழ்க்கையைத் தொடங்கினார். தமிழில் முதன்முதலாக 1977 ஆம் ஆண்டு கே பாலச்சந்தரின் பட்டினப் பிரவேசம் படத்தின் மூலம் அறிமுகமானர். அண்ணாமலை படத்தில் சூப்பர் ஸ்டார் ரஜினியின் நண்பராக நடித்த சரத்பாபுவின் ரோல் இன்று வரை பேசப்பட்டு வருகிறது.