இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் தற்போது லோகேஷின் கனகராஜின் இயக்கத்தில் லியோ படத்தில் நடித்து வருகின்றார். இப்படத்தின் படப்பிடிப்பு இறுதிக்கட்டத்தை எட்டியுள்ள நிலையில் தற்போது விஜய்யின் அடுத்த படத்தை பற்றிய அறிவிப்பு வெளியாகி ரசிகர்களை டபுள் சந்தோஷத்தில் ஆழ்த்தியுள்ளது.
எப்படி வாரிசு திரைப்படத்தின் படப்பிடிப்பு நடந்துகொண்டிருக்கும் போதே ரசிகர்கள் லியோ படத்தை பற்றி பேசினார்களோ அதே போல லியோ படப்பிடிப்பின் போது தளபதி 68 படத்தை பற்றி ரசிகர்கள் பேசி வருகின்றனர். யாரும் எதிர்பார்க்காத கூட்டணியாக விஜய் மற்றும் வெங்கட் பிரபு தளபதி 68 படத்திற்காக இணைந்துள்ளது ஒட்டுமொத்த திரையுலகையும் எதிர்பார்ப்பில் ஆழ்த்தியுள்ளது.
Simbu: STR48 படத்திற்காக சிம்பு எடுக்கப்போகும் புது அவதாரம்..கண்டிப்பா பந்தயம் அடிக்கும் போலயே..!
அஜித்திற்கு மங்காத்தா மற்றும் சிம்புவிற்கு மாநாடு என இரு நடிகர்களுக்கு மெகாஹிட் படத்தை கொடுத்த வெங்கட் பிரபு விஜய்க்கும் அது போல ஒரு மாஸ் ஹிட் படத்தை கொடுப்பார் என் அனைவராலும் எதிர்பார்க்கப்படுகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
பொதுவாக வெங்கட் பிரபு படம் என்றாலே ஜாலியாக அதே சமயத்தில் வித்தியாசமானதாக இருக்கும். அதே போல தான் தன் ஸ்டைலிலேயே தளபதி 68 திரைப்படத்தை படமாக்க இருக்கின்றார் வெங்கட் பிரபு. இந்நிலையில் நேற்று இப்படத்தின் அதிகாரபூர்வ அறிவிப்பு தயாரிப்பு நிறுவனத்தால் வெளியிடப்பட்டது.
பிகில் படத்திற்கு பிறகு மீண்டும் விஜய்யுடன் இணையும் AGS நிறுவனத்திற்கு இப்படம் 25 ஆவது படமாகும். இதையடுத்து விஜய்க்கு 150 கோடி சம்பளமாக இந்நிறுவனம் கொடுக்கயிருப்பதாக செய்திகள் வந்த வண்ணம் இருக்கின்றது.
இது ஒருபக்கம் இருக்க இயக்குனர் வெங்கட் பிரபு விஜய்க்கு செய்து கொடுத்த சத்தியத்தை தான் காப்பாற்றியதாக கூறியுள்ளார். அதாவது நேற்று வெங்கட் பிரபு விஜய்யுடன் எடுத்துக்கொண்ட புகைப்படத்தை வெளியிட்டார். அந்த புகைப்படம் பல மாதங்களுக்கு முன்பு விஜய்யிடம் கதை சொல்லியபோது எடுக்கப்பட்ட புகைப்படமாம்.
அப்போது விஜய் வெங்கட் பிரபுவிடம், படத்தின் அறிவிப்பிற்கு முன்னர் இந்த புகைப்படத்தை வெளியிடவேண்டாம் என கேட்டுக்கொண்டாராம். அதன்படியே வெங்கட் பிரபு இந்த புகைப்படத்தை வெளியிடாமல் இருந்துள்ளார். தற்போது படத்தின் அறிவிப்பு அதிகாரபூர்வமாக வெளியான பின்னரே தான் இந்த புகைப்படத்தை வெளியிட்டுள்ளார் வெங்கட் பிரபு.
இதன் மூலம் தான் விஜய்க்கு செய்துகொடுத்த சத்தியத்தை காப்பாற்றிவிட்டதாக தெரிவித்துள்ளார் வெங்கட் பிரபு. கிட்டத்தட்ட பத்து மாதங்களாக இந்த விஷயத்தை வெளியே கசியாமல் வெங்கட் பிரபு பாதுகாத்து வந்தது மிகப்பெரிய விஷயம் தான் என்பது குறிப்பிடத்தக்கது.