கோடை விடுமுறை என்பதால் திருப்பதியில் தற்போது வழக்கத்தை பக்தர்கள் கூட்டம் அதிகம் உள்ளது. வார இறுதி நாட்களில் பக்தர்களின் கூட்டம் மேலும் அதிகரித்து வருவதால் சாமி தரிசனம் செய்ய நீண்ட நேரம் காத்திருக்க வேண்டிய நிலை ஏற்பட்டுள்ளது.
இதனால் பக்தர்கள் 24 மணி நேரம் வரிசையில் காத்திருந்து சாமி தரிசனம் செய்து வருகின்றனர். இலவச தரிசனம் செய்ய பக்தர்கள் 4 கிலோ மீட்டர் தூரம் வரை வரிசையில் நின்று ஏழுமலையானை தரிசித்து வருகின்றனர். வார இறுதி நாளான கடந்த சனிக்கிழமை மட்டும் 85000 பக்தர்கள் சாமி தரிசனம் செய்துள்ளதாக திருப்பதி தேவஸ்தானம் தெரிவித்துள்ளது.
Esther Anil: படு மாடர்னாக மாறிய பாபநாசம் பட பாப்பா… மிரட்டல் போட்டோஸ்!
அன்று ஒரு நாள் மட்டும் திருப்பதி ஏழுமலையான் கோவிலில் 3 கோடியே 71 லட்சம் ரூபாய் காணிக்கை வசூல் ஆகியுள்ளதாகவும் திருப்பதி தேவஸ்தானம் தரப்பில் தெரிவிக்கப்பட்டுள்ளது. பக்தர்கள் நீண்ட நேரம் காத்திருப்பதை தவிர்க்கும் வகையில் வழக்கமான சேவைகள் விரைவாக முடிக்கப்பட்டு தரிசனம் துரிதப்படுத்தப்பட்டு வருவதாகவும் திருப்பதி தேவஸ்தானம் தெரிவித்துள்ளது.
பக்தர்களின் கூட்டம் நாளுக்கு நாள் அதிகரித்து வருவதால் வரும் ஜூன் 30 ஆம் தேதி வரை வெள்ளி சனி ஞாயிற்றுக் கிழமைகளில் விஐபி தரிசனம் ரத்து செய்யப்படுவதாக அறிவிக்கப்பட்டுள்ளது. இதனால் நாள்தோறும் 20 ஆயிரத்துக்கும் மேற்பட்ட பக்தர்கள் கூடுதலாக சாமி தரிசனம் செய்வார்கள் என எதிர்பார்க்கப்படுகிறது.
அச்சச்சோ.. நாளைக்கு அது இல்லையாம்… மெட்ரோ ரயில் நிர்வாகம் அதிரடி அறிவிப்பு… CSK ரசிகர்கள் அதிர்ச்சி!
மேலும் ஜூலை மற்றும் ஆகஸ்ட் மாதங்களுக்கான 300 ரூபாய் சிறப்பு தரிசன டிக்கெட்டை வரும் 24 ஆம் தேதி முதல் ஆன்லைனில் முன்பதிவு செய்து கொள்ளலாம் என்றும் திருப்பதி தேவஸ்தானம் அறவித்துள்ளது. திருப்பதி ஏழுமலையான் கோவிலில் பக்தர்கள் கூட்டம் அலைமோதுவதால் வைகுந்தம் காம்ளக்ஸில் அனைத்து அறைகளும் நிரம்பி வழிவது குறிப்பிடத்தக்கது.