இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
லோகேஷ் கனகராஜ் இயக்கத்தில் லியோ படத்தில் நடித்து வருகிறார் தளபதி விஜய். சென்னையில் சில முக்கிய காட்சிகளை படமாக்கி வருகிறார் லோகேஷ். த்ரிஷா, ஆக்ஷன் கிங் அர்ஜுன் உள்ளிட்டோர் தொடர்பான காட்சிகள் படமாக்கப்பட்டு வருகிறது.
“சரத்பாபுவுடன் நடித்த எல்லா படமும் ஹிட்” ரஜினிகாந்த் பேட்டி!
இதையடுத்து ஹைதராபாத் செல்கிறது லியோ குழு. அங்கு இருக்கும் ஃபிலிம் சிட்டியில் அமைக்கப்பட்டு வரும் செட்டில் கிளைமாக்ஸ் காட்சியை படமாக்குகிறார் லோகேஷ்.
திட்டமிட்ட நேரத்திற்குள் படப்பிடிப்பை நடத்தி முடித்து வரும் அக்டோபர் மாதம் 19ம் தேதி லியோவை ரிலீஸ் செய்ய முடிவு செய்திருக்கிறார் லோகேஷ் கனகராஜ். அண்மை காலமாக விஜய் படத்தின் இசை வெளியீட்டு விழாக்கள் எல்லாம் சென்னையில் இருக்கும் நேரு உள்விளையாட்டு அரங்கில் தான் நடக்கிறது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
விஜய்யை பார்க்கும் ஆசையில் பல்வேறு மாவட்டங்களில் இருந்து ரசிகர்கள் சென்னைக்கு வருகிறார்கள். அதனால் நேரு உள்விளையாட்டு அரங்கம் நிரம்பி வழியும். இந்நிலையில் லியோ இசை வெளியீட்டு விழாவையும் நேரு உள்விளையாட்டு அரங்கில் நடத்த திட்டமிட்டார்கள்.
இது குறித்து விஜய்யிடம் கூறியதற்கு, சென்னை வேண்டாம் தென் தமிழகத்தில் இருக்கும் என் ரசிகர்களை பார்க்க விரும்புகிறேன். அதனால் தென் தமிழகத்தில் லியோ விழாவை நடத்தலாம் என்றாராம். இதையடுத்து திருச்சியில் லியோ இசை வெளியீட்டு விழாவை நடத்தலாமா என்று முயற்சி செய்தபோது அது சாத்தியமாகவில்லையாம்.
எனவே, பாசத்திற்கு பெயர் போன ரசிகர்கள் இருக்கும் மதுரையில் தான் லியோ இசை வெளியீட்டு விழாவை நடத்தப் போகிறார்கள் என தகவல் வெளியாகியுள்ளது.
விஜய்யின் பிறந்தநாளான ஜூன் 22ம் தேதி தான் லியோ இசை வெளியீட்டு விழாவை நடத்தப் போகிறார்களாம். பிறந்தநாள் அன்று தளபதியை பார்க்க ரசிகர்கள் விரும்புவார்கள். அதனால் அந்த நல்ல நாளிலேயே இசை வெளியீட்டு விழாவை நடத்தினால் தளபதி ரசிகர்கள் பெருமகிழ்ச்சி அடைவார்கள்.
Leo: விஜய் ஒரு குழந்தை மாதிரி: லியோ செட்டில் என்ன செஞ்சிருக்கார்னு பாருங்க
லியோ இசை வெளியீட்டு விழாவை நடத்தியது போன்றும் ஆகிவிடும், விஜய் தன் தென் தமிழக ரசிகர்களை பார்த்தது போன்றும் ஆகிவிடும், பிறந்தநாளில் விஜய் ரசிகர்களுக்கு தளபதி தரிசனமும் கிடைத்துவிடும். ஆக ஒரே கல்லில் மூன்று மாங்காய் அடிக்கப் போகிறது லியோ படக்குழு.
லியோ படத்தின் கதை லோகேஷ் கனகராஜின் எல்.சி.யூ. கதை என்றே ரசிகர்கள் நம்புகிறார்கள். விஜய்க்கு முக்கிய வில்லனாக பாலிவுட் நடிகர் சஞ்சய் தத் இருப்பார் என்று எதிர்பார்க்கப்படுகிறது. இந்நிலையில் கேங்ஸ்டரான சஞ்சய் தத் விஜய்யின் அப்பாவாக நடிக்கிறார் என்றும், அர்ஜுன் தான் அண்ணன் என்றும் தகவல் வெளியானது.
Leo Film: விஜய்யின் லியோ பட கதை இது தானா?!: அப்படி இருக்கவே இருக்காது
இது கேங்ஸ்டர் குடும்ப பிரச்சனையை மையமாக வைத்து எடுக்கப்படும் படம் என்று கூறப்பட்டது. ஆனால் லோகேஷ் கனகராஜ் அந்த தகவலை உறுதி செய்யவில்லை. படம் குறித்து யாரும் மூச்சுவிடக் கூடாது என தன் குழுவிடம் கூறி வைத்திருக்கிறாராம் லோகேஷ்.
இதற்கிடையே லியோ படத்தில் விஜய் இரண்டு கதாபாத்திரங்களில் நடிப்பதாகவும் கூறப்படுகிறது. ஒரு விஜய்க்கு த்ரிஷா ஜோடி என்றால், இன்னொரு விஜய்க்கு ப்ரியா ஆனந்த் ஜோடி என்று பேச்சு கிளம்பியிருக்கிறது.