இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் தற்போது லியோ படத்தில் நடித்து வருகின்றார். லோகேஷ் கனகராஜ் இயக்கத்தில் மாஸ்டர் படத்திற்கு பிறகு விஜய் நடித்து வரும் லியோ திரைப்படம் முற்றிலும் வித்யாசமான படமாக இருக்கும் என்பதே அனைவரது கணிப்பாக இருக்கின்றது.
எனவே இப்படத்திற்கு மிகப்பெரிய எதிர்பார்ப்பு நிலவி வரும் நிலையில் தற்போது விஜய்யின் அடுத்த படத்தின் அறிவிப்பு வெளியாகி ரசிகர்களை டபுள் சந்தோஷத்தில் ஆழ்த்தியுள்ளது.
Dhanush: தனுஷின் D50 படத்தில் இவ்ளோ விஷயம் இருக்கா ? எதிர்பார்ப்பை அதிகரித்த அறிவிப்புகள்..!
தளபதி 68 என அழைக்கப்பட்டு வரும் இப்படத்தை வெங்கட் பிரபு இயக்கவுள்ளார். மேலும் AGS நிறுவனம் இப்படத்தை தயாரிக்க யுவன் ஷங்கர் ராஜா இபபடத்திற்கு இசையமைக்கவுள்ளார். புதிய கீதை படத்திற்கு பிறகு 20 வருடங்கள் கழித்து விஜய்யுடன் யுவன் ஷங்கர் ராஜா இணைவதாலும், முதல்முறையாக வெங்கட் பிரபு மற்றும் விஜய் கூட்டணி உருவாவதாலும் இப்படத்தின் மீது மிகப்பெரிய எதிர்பார்ப்பு இருந்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
என்னதான் வெங்கட் பிரபு இயக்கத்தில் சமீபத்தில் வெளியான கஸ்டடி படம் தோல்வியாக இருந்தாலும் விஜய் வெங்கட் பிரபுவின் மீது கொண்ட அதீத நம்பிக்கையின் காரணமாக தளபதி 68 படத்தை இயக்கும் வாய்ப்பை வெங்கட் பிரபுவிடமே கொடுத்துள்ளார்.
இந்நிலையில் சில நாட்களுக்கு முன்பு நடைபெற்ற ஒரு விழாவில் சீரியஸான படங்களை இயக்குவதை பற்றி வெங்கட் பிரபு பேசியுள்ளார். அவர் கூறியதாவது, எனக்கும் வெற்றிமாறன் போல சீரியஸான படங்களை இயக்க தான் ஆசையாக இருக்கின்றது. ஆனால் நான் சீரியஸாக படமெடுத்தால் அது தோல்வி அடைகின்றது. ரசிகர்கள் என்னிடம் ஜாலியான என்டர்டைன்மெண்டான படங்களையே எதிர்பார்க்கின்றனர் என கூறியுள்ளார் வெங்கட் பிரபு.
இதைத்தொடர்ந்து தளபதி 68 திரைப்படம் கண்டிப்பாக சீரியஸான படமாக இருக்காது என்றும், ஜாலியான படமாகவே இருக்கும் என்றும் ரசிகர்கள் கணித்து வருகின்றனர்.இந்நிலையில் தளபதி 68 திரைப்படத்தின் படப்பிடிப்பு செப்டம்பர் மாதம் துவங்குவதாக தெரிகின்றது.
செப்டம்பர் மாதம் படப்பிடிப்பை துவங்கி விறுவிறுவென முடித்துவிட்டு அடுத்தாண்டு ஏப்ரல் மாதம் இப்படத்தை வெளியிட படக்குழு திட்டமிட்டுள்ளது என்பது குறிப்பிடத்தக்கது.