நடிகர் டேட்டிங் துன்புறுத்தலா… சர்ச்சைக்கு ஹன்சிகா முற்றுப்புள்ளி
தென்னிந்திய சினிமாவில் பிரபலமான நடிகையாக இருப்பவர் ஹன்சிகா. சமீபத்தில் சோஹைல் என்பவரை திருமணம் செய்து கொண்ட ஹன்சிகா, திருமணத்துக்கு பிறகும் பல படங்களில் பிஸியாக நடித்து வருகிறார். சினிமாவில் நடிக்க வந்த புதிதில் தெலுங்கு சினிமாவைச் சார்ந்த ஒரு நடிகர், தன்னை டேட்டிங்கிற்கு அழைத்து, துன்புறுத்தலில் ஈடுபட்டதாகவும், அந்த நடிகருக்கு சரியான பாடம் புகட்டியதாகவும் ஹன்சிகா ஒரு பேட்டியில் தெரிவித்ததாக செய்தி வைரலாக பரவியது.
இதற்கு உடனடியாக மறுப்பு தெரிவித்துள்ளார் ஹன்சிகா. அவர் வெளியிட்ட பதிவு, ‛‛இதுபோன்ற ஒரு விஷயத்தை நான் பேசவே இல்லை. எந்த ஒரு செய்தியாக இருந்தாலும் அதை வெளியிடுவதற்கு முன்பு உண்மை தன்மையை அறிந்து அதன் பின்பு வெளியிடவும் என குறிப்பிட்டுள்ளார்.