புதிய நாடாளுமன்ற கட்டிடத் திறப்பு விழாவை முன்னிட்டு பிரதமர் நரேந்திர மோடிக்கு, அதிமுக பொதுச்செயலாளர் எடப்பாடி பழனிச்சாமி வாழ்த்து தெரிவித்துள்ளார். இதுகுறித்த அவரின் வாழ்த்துச் செய்தியில்,
“வானோக்கி வாழும் உலகெல்லாம் மன்னவன்
கோல்நோக்கி வாழுங் குடி”
(பூமி வானத்தைப் பார்த்து செழிக்கிறது, மனிதகுலம் அரசனின் செங்கோலை (நேர்மையான ஆட்சியை) நோக்கி – திருக்குறள் -542)
சுதந்திரத்தின் 75வது ஆண்டை நினைவுகூரும் வகையில் ஜனநாயகத்தின் சின்னமான புதிய பாராளுமன்ற கட்டிடம் திறப்பு விழாவிற்கு எனது மனமார்ந்த வாழ்த்துக்கள்.
தமிழர் பெருமை, பாரம்பரியம் மற்றும் கலாச்சார பாரம்பரியத்தை விளக்கும் வகையில், சபாநாயகர் இருக்கைக்கு அருகில் வரலாற்று சிறப்புமிக்க ‘செங்கோல்’ நிறுவப்பட்டதற்கு தமிழக மக்கள் சார்பில் எனது நன்றியை தெரிவித்துக் கொள்கிறேன்.
நீங்கள் இந்தியப் பிரதமராக இருந்த காலத்தில், நாடாளுமன்றத்தை குறித்த நேரத்தில் நிர்மாணித்ததற்காகவும், செங்கோலை நிறுவியதற்காகவும் எனது பாராட்டுகளைத் தெரிவித்துக் கொள்கிறேன்.” என்று எடப்பாடி பழனிச்சாமி தெரிவித்துள்ளார்.