தமிழ் சினிமாவில் பிரபலமான நடிகராக திகழும் தனுஷின் நடிப்பில் தற்போது ‘கேப்டன் மில்லர்’ படம் உருவாகி வருகிறது. அருண் மாதேஸ்வரன் இயக்கும் இதன் படப்பிடிப்பு கடந்த சில மாதங்களாகவே விறுவிறுப்பாக நடந்து வருகிறது. இந்நிலையில் இந்தப்படம் குறித்த ஹாட்டான தகவல் ஒன்று வெளியாகி சோஷியல் மீடியாவை அதிர விட்டு வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் மட்டுமில்லாமல் பாலிவுட், டோலிவுட், ஹாலிவுட் என பல மொழிகளிலும் பிசியான நடிகராக வலம் வந்து கொண்டிருக்கிறார் தனுஷ். இவர் நடிப்பில் அண்மையில் ‘வாத்தி’ படம் வெளியானது. தமிழ், தெலுங்கு என இரண்டு மொழிகளில் உருவான இந்தப்படத்தில் பள்ளிக்கூட ஆசிரியராக நடித்து மிரட்டியிருந்தார் தனுஷ். இந்தப்படம் ரசிகர்கள் மத்தியில் நல்ல வரவேற்பினை பெற்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனை தொடர்ந்து தற்போது ‘கேப்டன் மில்லர்’ படத்தில் நடித்து வருகிறார் தனுஷ். ரத்தம் தெறிக்க வெளியான ராக்கி, சாணிக்காயிதம் படங்களை இயக்கியவர் அருண் மாதேஸ்வரன். ராவான படங்களை இயக்கி ரசிகர்கள் மத்தியில் கவனம் ஈர்த்த இவரது இயக்கத்தில் தனுஷ் நடிப்பது ரசிகர்கள் மத்தியில் எக்கச்சக்கமான எதிர்பார்ப்பை கிளப்பியுள்ளது.
1930 – 40 காலக்கட்டங்களில் நடக்கும் சம்பவங்களை வைத்து பீரியட் பிலிமாக ‘கேப்டன் மில்லர்’ படம் உருவாகி வருகிறது. இந்தப்படத்தில் தனுஷ் ஜோடியாக பிரியங்கா அருள் மோகன் நடிக்கிறார். இவர்களுடன் சந்தீப் கிஷன், ஜான் கொக்கன், நிவேதிதா சதீஷ் உள்ளிட்டோர் நடித்து வருகின்றனர். மேலும், பிரபல கன்னட நடிகர் சிவராஜ்குமார் இந்தப்படத்தில் முக்கியமான கதாபாத்திரத்தில் நடிக்கிறார். ஜி.வி. பிரகாஷ் குமார் இந்தப்படத்திற்கு இசையமைக்கிறார்.
Jailer: தமன்னா கொடுத்த ‘ஜெயிலர்’ பட அப்டேட்: ஹாப்பியான தலைவர் பேன்ஸ்.!
இந்நிலையில் ‘கேப்டன் மில்லர்’ படம் குறித்து வெளியாகியுள்ள லேட்டஸ்ட் அப்டேட் சோஷியல் மீடியாவில் வைரலாகி வருகிறது. அதாவது இந்தப்படத்தின் ரிலீஸ் குறித்து பேசியுள்ள தயாரிப்பாளர், ‘கேப்டன் மில்லர்’ படத்தை விடுமுறை தினத்தை குறி வைத்து அக்டோபர் மாதத்தில் வெளியிட முடிவு செய்துள்ளதாக தெரிவித்துள்ளார். விஜய்யின் ‘லியோ’ படமும் அக்டோபர் 19 ஆம் தேதி வெளியாகவுள்ளது.
இதனால் லியோ, கேப்டன் மில்லர் படங்கள் ஒரே நாளில் வெளியாகுமா என்ற எதிர்பார்ப்பு ரசிகர்கள் மத்தியில் எழுந்துள்ளது. அவ்வாறு ரிலீசானால் பாக்ஸ் ஆபிஸில் மிகப்பெரிய போட்டி ஏற்படும் என எதிர்பார்க்கப்படுகிறது. லோகேஷ் கனகராஜ் இயக்கத்தில் மிகுந்த எதிர்பார்ப்புக்கு மத்தியில் ‘லியோ’ படம் உருவாகி வருகிறது. செவன் ஸ்கிரீன் ஸ்டுடியோஸ் தயாரிப்பில் பிரம்மாண்டமாக உருவாகி வரும் இந்தப்படத்திற்கு அனிருத் இசையமைத்து வருவது குறிப்பிடத்தக்கது.
அச்சு அசலாக அம்மாவை உரித்து வைத்திருக்கும் நடிகை ரம்பாவின் மகள்: ஆச்சரியத்தில் ரசிகர்கள்.!