இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
லியோவிஜய் தற்போது லோகேஷ் கனகராஜின் இயக்கத்தில் லியோ படத்தில் நடித்து வருகின்றார். விஜய் வாரிசு படத்தில் நடித்துவரும் போதே அடுத்ததாக லோகேஷின் இயக்கத்தில் நடிக்கவுள்ளார் என்ற செய்தி வெளியானது. அதிலிருந்து ரசிகர்கள் அனைவரும் இவர்கள் கூட்டணியில் வெளியாகும் படத்தை காணவே ஆவலாக இருக்கின்றனர். அந்த அளவிற்கு லியோ படத்தின் மீது ரசிகர்களுக்கு எதிர்பார்ப்பு இருந்து வருகின்றது. இந்நிலையில் தற்போது லியோ படத்தின் இறுதிக்கட்ட படப்பிடிப்பு விறுவிறுப்பாக நடைபெற்று வருகின்றது. இதையடுத்து ஜூன் மாதம் படத்தின் படப்பிடிப்பு முழுவதுமாக முடிவடைந்து போஸ்ட் ப்ரொடக்ஷன் வேலைகள் துவங்கப்படும் என எதிர்பார்க்கப்படுகின்றது
தளபதி 68லியோ படத்தின் படப்பிடிப்பே இன்னும் முடிவடையாத நிலையில் விஜய் தன் 68 ஆவது படத்தின் அறிவிப்பை அதிகாரபூர்வமாக அறிவித்தார். வெங்கட் பிரபுவின் இயக்கத்தில் யுவன் ஷங்கர் ராஜாவின் இசையில் உருவாகும் தளபதி 68 திரைப்படத்தை AGS நிறுவனம் மிகப்பிரமாண்டமாக தயாரிக்க இருக்கின்றது. இதைத்தொடர்ந்து இப்படத்திற்காக விஜய்க்கு 200 கோடி சம்பளமாக கொடுக்கப்பட்டுள்ளதாகவும் தகவல்கள் வருகின்றன. ஆனால் இதில் எந்தளவிற்கு உண்மை இருக்கின்றது என தெரியவில்லை. இந்நிலையில் தளபதி 68 படத்தின் படப்பிடிப்பு ஜூலை மாதத்தில் துவங்கப்பட்டு அடுத்தாண்டு ஏப்ரல் மாதத்தில் இப்படத்தை வெளியிட படக்குழு திட்டமிட்டுள்ளது. வெங்கட் பிரபு மற்றும் விஜய் என வித்யாசமான காம்போவில் இப்படம் உருவாக இருப்பதால் ரசிகர்களின் எதிர்பார்ப்பு அதிகரித்துள்ளது
எதிர்பார்ப்புவிஜய் லியோ படத்தின் மீதுள்ள நம்பிக்கையால் இப்படத்தின் படப்பிடிப்பு முடியும் முன்பே தளபதி 68 படத்தின் அறிவிப்பை வெளியிட்டுள்ளார். இதையடுத்து ஜூன் மாதத்திற்குள் லியோ படத்தின் படப்பிடிப்பை முடித்துவிட்டு தளபதி 68 படப்பிடிப்பில் கலந்துகொள்ள விஜய் திட்டமிட்டுள்ளார். மேலும் விஜய்யின் பிறந்தநாளை முன்னிட்டு லியோ மற்றும் தளபதி 68 ஆகிய இரண்டு படங்களில் இருந்தும் அப்டேட் வெளியாகும் என எதிர்பார்க்கப்படுகின்றது. இந்நிலையில் லியோ படத்தின் மூலம் விஜய் ஆயிரம் கோடி வசூல் சாதனையை செய்வார் என கோலிவுட் வட்டாரத்தை சார்ந்தவர்கள் உறுதியாக சொல்கின்றனர். பான் இந்திய படமாக வெளியாகும் லியோ கண்டிப்பாக ஆயிரம் கோடி வசூலை எட்டும் என அனைவராலும் எதிர்பார்க்கப்படுகின்றது
மிஸ்கின் பேச்சுதற்போது லியோ படத்தில் விஜய்யுடன் இணைந்து நடித்து வரும் மிஸ்கின் சமீபத்தில் பேசியது தான் ரசிகர்கள் மத்தியில் வைரலாகி வருகின்றது. அவர் பேசியதாவது, யூத் படத்திற்கு பிறகு 20 வருடங்கள் கழித்து விஜய்யுடன் பணியாற்றும் வாய்ப்பு கிடைத்துள்ளது. அவருடன் நான் நெருங்கி பழகியுள்ளேன். தற்போது ஒரே போன் காலில் அவரை சந்திக்க என்னால் அப்பாயிண்ட்மென்ட் வாங்கமுடியும். எனவே அவருக்கான சரியான கதையை தயார் செய்துவிட்டு அவரை சந்திப்பேன். கண்டிப்பாக அந்த கதை அவரை அடுத்தகட்டத்திற்கு கொண்டு செல்லும். அதற்கு சில வருடங்கள் ஆகும் என நினைக்கிறேன் என கூறியுள்ளார் மிஸ்கின். சமீபத்தில் ஒரு பேட்டியில் மிஸ்கின் இதைப்பற்றி பேசியுள்ளார் என்பது குறிப்பிடத்தக்கது