ராம் சரண் தயாரிக்கும் முதல் பட அறிவிப்பு!
நடிகர் ராம் சரண் தற்போது கேம் சேஞ்சர் படத்தில் நடித்து வருகிறார். சமீபத்தில் இவர் வி மெகா புரொடக்சன்ஸ் தயாரிப்பு நிறுவனம் தொடங்கியுள்ளார்.
இந்த நிலையில் இன்று ராம் சரண் தயாரிக்கும் முதல் படத்தின் அறிவிப்பை வெளியிட்டுள்ளனர். இந்த படத்தை வி மெகா புரொடக்சன்ஸ் உடன் இணைந்து அபிஷேக் அகர்வால் ஆர்ட்ஸ் நிறுவனம் தயாரிக்கின்றனர். தெலுங்கு சினிமாவில் வளர்ந்து வரும் நடிகர் நிகில் சித்தார்த் கதாநாயகனாக நடிக்கும் இப்படத்தை இயக்குனர் ராம் வம்சி கிருஷ்ணா இயக்குகிறார். முக்கிய கதாபாத்திரங்களில் பிரபல ஹிந்தி நடிகர் அனுபாம் கிர் நடிக்கிறார். இந்த படத்திற்கு ‛தி இந்தியா ஹவுஸ்' என்று தலைப்பு வைத்துள்ளனர். அதனை வீடியோ உடன் அதிகாரப்பூர்வமாக படக்குழுவினர் அறிவித்துள்ளனர்.