லியோ படத்துடன் கேப்டன் மில்லர் மோதுமா?
ராக்கி, சாணி காகிதம் போன்ற படங்களை இயக்கிய அருண் மாதேஸ்வரன் இயக்கத்தில் நடிகர் தனுஷ் நடிப்பில் தயாராகி வரும் படம், 'கேப்டன் மில்லர்'. இந்த படத்தில் சிவராஜ் குமார், பிரியங்கா மோகன், சந்தீப் கிஷன், நிவேதிதா சதீஷ், காளி வெங்கட் உட்பட பலர் முக்கிய கதாபாத்திரத்தில் நடித்து வருகின்றனர். சத்யஜோதி பிலிம்ஸ் தயாரிக்கின்றனர். தமிழ், தெலுங்கு, இந்தி மொழிகளில் உருவாகும் இந்தப் படத்துக்கு ஜி.வி.பிரகாஷ் இசையமைக்கிறார்.
சமீபத்தில் நடைபெற்ற சி.ஜ.ஜ தக்ஷன் விழாவில் இப்படத்தின் தயாரிப்பாளர் டி. ஜி. தியாகராஜன் கலந்து கொண்டார் அப்போது அவர் கேப்டன் மில்லர் படத்தின் ரிலீஸ் தேதி குறித்து பேசியது : “நாங்கள் இந்த படத்தை விடுமுறை நாட்களை குறிவைத்து வெளியிட முடிவு செய்துள்ளோம். அதன்படி, அக்டோபர் மாதத்தில் இந்த படத்தை வெளியிட திட்டமிட்டுள்ளதாக கூறினார்”.
இதனால், நடிகர் விஜய்யின் லியோ படத்துடன் தனுஷின் கேப்டன் மில்லர் மோதுமா என்று ரசிகர்கள் மத்தியில் விவாதம் எழுந்துள்ளது.