யோகிபாபுக்கு கிரிக்கெட் பேட் பரிசளித்த தோனி
பிரிமியர் லீக் கிரிக்கெட் போட்டியில் 5வது முறையாக சென்னை சூப்பர் கிங்ஸ் அணிக்கு கோப்பையை பெற்றுத் தந்துள்ளார் கேப்டன் டோனி. மனசுக்கு நெருக்கமானவர்களுக்கு தனது கையெழுத்திட்ட பேட்டை பரிசாக அனுப்பி வருகிறார் தோனி. அந்த வரிசையில், நடிகரும், தனது ரசிகருமான யோகிபாபுவுக்கு அனுப்பி வைத்திருக்கிறார். படப்பிடிப்பில் இருந்த யோகிபாபுவிடம் தோனியின் பிரதிநிதிகள் இதனை வழங்கினார்கள். அந்த பேட்டில் தோனி வாழ்த்து தெரிவித்து கையெழுத்திட்டிருந்தார். அதை ஆச்சர்யத்துடன் பார்த்த யோகி பாபு அதற்கு முத்தம் கொடுத்து தோனிக்கு நன்றி தெரிவித்தார். தோனியின் மனைவி சாக்ஷி கதை எழுதி தயாரிக்கும் எல்.ஜி.எம் என்ற படத்தில் யோகிபாபு நடித்து வருகிறார். இந்த படத்தில் ஹரீஷ் கல்யாணும், இவானாவும் நாயகன், நாயகியாக நடிக்கிறார்கள்.