ரஜினி படங்களில் அப்டேட்கள் ஒவ்வொன்றாக வெளியாகி ரசிகர்கள் மத்தியில் கொண்டாட்டத்தை ஏற்படுத்தி வருகிறது. ரஜினி தற்போது நெல்சன் திலீப்குமார் இயக்கத்தில் உருவாகி வரும் ‘ஜெயிலர்’ படத்தில் நடித்து வருகிறார். இதன் படப்பிடிப்பு கடந்த சில மாதங்களாக மும்முரமாக நடைபெற்று வந்த நிலையில், இந்தப்படம் குறித்த அதிரடியான அப்டேட்டை படக்குழுவினர் தற்போது வெளியிட்டுள்ளனர்.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி நடிப்பில் கடைசியாக ‘அண்ணாத்த’ படம் ரிலீசாகியிருந்தது. கடந்த 2021 ஆம் ஆண்டு சிறுத்தை சிவா இயக்கத்தில் நயன்தாரா, கீர்த்தி சுரேஷ், மீனா, குஷ்பு உள்ளிட்டோர் நடிப்பில் இந்தப்படம் உருவானது. மிகுந்த எதிர்பார்ப்பிற்கு மத்தியில் ரிலீசான இந்தப்படம் ஒருசில நெகட்டிவ் விமர்சனங்களை குவித்தது. ஆனால் இந்தப்படத்தின் வெற்றியால் சிறுத்தை சிவா வீட்டுக்கே நேரில் விசிட் அடித்தார் ரஜினி.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் யாரும் எதிர்பார்க்காத விதமாக தனது அடுத்த படத்தை இயக்கும் வாய்ப்பை நெல்சனுக்கு வழங்கினார் ரஜினி. தமிழ் சினிமாவில் டார்க் காமெடி படங்களை இயக்கி வரவேற்பை பெற்ற நெல்சனுடன் ரஜினி கூட்டணி அமைத்துள்ளது ரசிகர்கள் மத்தியில் எக்கச்சக்கமான எதிர்பார்ப்பினை கிளப்பியுள்ளது. அத்துடன் விஜய் இயக்கத்தில் நெல்சன் கடைசியாக இயக்கியிருந்த ‘பீஸ்ட்’ படம் ஏகப்பட்ட ட்ரோல்களை சந்தித்தது.
இதனால் நெல்சன் தற்போது இயக்கி வரும் ‘ஜெயிலர்’ படத்தினை வெறித்தனமாக இயக்கி வருகிறார். இந்தப்படம் முழுக்க முழுக்க ஆக்ஷன் ஜானரில் உருவாகி வருகிறது. இந்தப்படத்தில் ரம்யா கிருஷ்ணன், தமன்னா, விநாயகன், வசந்த் ரவி, யோகி ப்பு, மிர்னா உள்ளிட்டோர் நடித்து வருகின்றனர். சன் பிக்சர்ஸ் தயாரிப்பில் உருவாகி வரும் இந்தப்படத்திற்கு அனிருத் இசையமைக்கிறார்.
Vijay: தங்கைக்கு வாழ்த்து தெரிவித்து மாலை அணிவித்த தளபதியின் மகன்: தீயாய் பரவும் வீடியோ.!
இந்நிலையில் இந்தப்படத்தின் லேட்டஸ்ட் அப்டேட்டை படக்குழுவினர் வெளியிட்டுள்ளனர். அதன்படி ‘ஜெயிலர்’ படப்பிடிப்பு முழுமையாக நிறைவடைந்துள்ளதாக படக்குழுவினர் அதிகாரப்பூர்வமாக அறிவித்துள்ளனர். இதனை இயக்குனர் நெல்சன் திலீப்குமார், தமன்னா உள்ளிட்ட படக்குழுவினருடன் ரஜினிகாந்த் கேக் வெட்டி கொண்டாடியுள்ளார்.
இந்த புகைப்படத்தில் ரஜினி தம்ஸ் சிம்பிளுடன் செம்ம எனர்ஜிட்டிக்காக உள்ளார். இணையத்தில் வைரலாகும் இந்த புகைப்படத்தை பார்த்த ரசிகர்கள் இப்பவே படத்தின் ரிசல்ட் தெரிவதாக, படம் கண்டிப்பாக பிளாக் பஸ்டர் ஹிட்டடிக்கும் என்றும் உற்சாகத்துடன் கமெண்ட் அடித்து வருகின்றனர். ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் ரிலீசாகவுள்ளது குறிப்பிடத்தக்கது.
அவர் நம்பர் கூட இல்லை: சம்யுக்தா விவகாரத்தில் விஷ்ணுகாந்துக்கு ஆதரவாக பிரபல நடிகை.!