முன்னாள் முதலமைச்சர் கலைஞர் கருணாநிதியின் நூற்றாண்டு பிறந்தநாள் இன்று. திமுக சார்பில் இன்று பல்வேறு நிகழ்ச்சிகள் நடத்தப்பட இருந்தன. ஒடிசா ரயில் விபத்து காரணமாக நிகழ்ச்சிகள் அனைத்தும் ரத்து செய்யப்பட்டன. முதல்வர் ஸ்டாலின் இன்று காலையில் கலைஞர் நினைவிடத்தில் அஞ்சலி செலுத்தினார்.
கலைஞரின் பிறந்தநாளை முன்னிட்டு பாமக நிறுவனர்
, பாமக தலைவர்
ராமதாஸ் ஆகியோர் டிவிட்டர் பக்கத்தில் வாழ்த்துச் செய்தியை வெளியிட்டுள்ளனர்.
ராமதாஸ் வெளியிட்ட அறிவிப்பில், “சமூக முன்னேற்றத்திற்கான கலைஞரின் உழைப்பை அவரது நூற்றாண்டு பிறந்தநாளில் அனைவரும் போற்ற வேண்டும்! தமிழ்நாட்டின் முன்னாள் முதலமைச்சரும், எனது நண்பருமான முத்தமிழறிஞர் கலைஞரின் நூற்றாண்டு விழா தொடங்கும் இந்த நாளில் சமூக முன்னேற்றத்திற்காக அவர் ஆற்றிய பணிகளை நினைத்துப் பார்க்கிறேன்.
தந்தைப் பெரியார் வகுத்துக் கொடுத்தப் பாதையில் அறிஞர் அண்ணா விட்டுச் சென்ற பணிகளை கலைஞர் திறம்பட மேற்கொண்டதால் தான் ஒடுக்கப்பட்ட, பிற்படுத்தப்பட்ட மக்களுக்கு உயர்வும், உரிமைகளும் கிடைத்தன. அவரது உழைப்பு அனைவரும் பின்பற்ற வேண்டிய பாடம். கலைஞரின் உழைப்பையும், சமூகத்திற்காக ஆற்றிய பணிகளையும் இந்நாளில் மட்டுமின்றி எந்நாளும் அனைவரும் போற்ற வேண்டும்” என்று பதிவிட்டுள்ளார்.
அன்புமணி ராமதாஸ் தெரிவித்துள்ள வாழ்த்துச் செய்தியில், “கலைஞரின் நூற்றாண்டு பிறந்தநாளில் அவரது உழைப்பையும், சமூகநீதி சிந்தனையையும் நினைவு கூர்வோம்!
தமிழக முன்னாள் முதலமைச்சரும், மறைந்த திமுக தலைவருமான கலைஞர் அவர்களின் நூற்றாண்டு பிறந்தநாள் இன்று. உழைப்புக்கு எடுத்துக்காட்டு அவர் தான். சமூகநீதி கோரிக்கைகளை செவிமடுத்தவர். அவரது பிறந்தநாளில் அவரது சிறப்புகளை நினைவு கூர்ந்து போற்றுவோம்!” என்று தெரிவித்துள்ளார்.