கார்த்தி படத்தில் இணைந்த அரவிந்த்சாமி
நடிகர் கார்த்தி தற்போது இயக்குனர் ராஜூ முருகன் இயக்கத்தில் ஜப்பான் படத்தில் நடித்து வருகிறார். இது அவரின் 25வது படமாகும். அனு இமானுவேல், சுனில், விஜய் மில்டன் உள்ளிட்ட பலர் நடித்து வருகின்றனர். இதன் இறுதிகட்ட படப்பிடிப்பு நடந்து வருகிறது. சமீபத்தில் ஜப்பான் படத்தின் டீசர் வெளியாகி நல்ல வரவேற்பைப் பெற்றது. படம் தீபாவளிக்கு வெளியாவதாக அறிவிக்கப்பட்டுள்ளது.
இந்த நிலையில் கார்த்தியின் அடுத்தப்பட பணிகள் துவங்கியுள்ளன. இந்த படத்தை 96 படத்தின் இயக்குனர் பிரேம் குமார் இயக்குகிறார் என்று ஏற்கனவே தகவல் வெளியானது. இந்த படத்தை நடிகர் சூர்யாவின் 2டி எண்டர்டெயின்மெண்ட் நிறுவனம் தயாரிக்கிறது. இப்போது இந்த படத்தில் முக்கிய கதாபாத்திரத்தில் நடிக்க நடிகர் அரவிந்த் சாமி இணைந்துள்ளார் என கூறப்படுகிறது. விரைவில் இந்த படம் குறித்து அதிகாரப்பூர்வ அறிவிப்பு வெளியாகும் என்கிறார்கள்.