இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் தற்போது லியோ படப்பிடிப்பில் பிசியாக கலந்துகொண்டு வருகின்றார். என்னதான் தற்போது விஜய்யின் அடுத்த படமான தளபதி 68 படத்தின் அதிகாரபூர்வ அறிவிப்பு வெளியானாலும் லியோ படத்தின் மவுசு இன்னும் குறைந்தபாடில்லை என்றுதான் சொல்லவேண்டும். அந்த அளவிற்கு ரசிகர்கள் மத்தியில் லியோ திரைப்படம் மிகப்பெரிய எதிர்பார்ப்பை ஏற்படுத்தியுள்ளது.
இதற்கு மிக முக்கிய காரணம் லோகேஷ் கனகராஜ் என்று சொன்னால் அது மிகையாகாது. அவரது முந்தைய படமான விக்ரமின் வெற்றி அவரை இந்தியளவில் பிரபலமான இயக்குனரான மாற்றியது. இதையடுத்து அவர் விஜய்யுடன் இணைகிறார் என்றவுடன் எதிர்பார்ப்பு பலமடங்காக அதிகரித்தது.
எதிர்பார்ப்பில் லியோ
இந்நிலையில் கடந்த ஜனவரி மாதம் லியோ படத்தின் படப்பிடிப்பு துவங்கப்பட்ட நிலையில் தற்போது இறுதிக்கட்டத்தை எட்டியுள்ளது. ஜூன் 12 ஆம் தேதிக்குள் ஒட்டுமொத்த படப்பிடிப்பும் முடிவடையும் என எதிர்பார்க்கப்படுகின்றது. இதையடுத்து லியோ படத்தின் போஸ்ட் ப்ரொடக்ஷன் வேலைகளை படக்குழு துவங்கவுள்ள நிலையில் படத்தின் டீசரை தளபதியின் பிறந்தநாளை முன்னிட்டு வெளியிட திட்டமிட்டுள்ளது.
Thalapathy 68: வின்டேஜ் விஜய்யை கொண்டுவரும் வெங்கட் பிரபு..தரமான சம்பவத்திற்கு தயாராகும் தளபதி 68 ..!
இதன் அறிவிப்பு விரைவில் வெளியாகும் எனவும் எதிர்பார்க்கப்படுகின்றது. இந்நிலையில் தற்போது சென்னையில் லியோ படத்தின் பாடல் காட்சி படமாக்கப்பட்டு வருகின்றது. கிட்டத்தட்ட 2000 நடன கலைஞர்களை வைத்து மிகப்பிரமாண்டமான பாடல் காட்சியை லோகேஷ் படமாக்கி வருகின்றார்.
இப்பாடலை அனிருத்துடன் இணைந்து அசல் கோலார் பாடியுள்ளார் என தகவல்கள் வருகின்றன. மேலும் தினேஷ் மாஸ்டர் நடன இயக்குனராக பணியாற்றி வரும் இப்பாடல் தர லோக்கலாக உருவாக்கி வருகின்றதாம். விஜய்யின் அசத்தலான நடனத்தில் உருவாக்கி வரும் இப்பாடல் படத்தின் ஓப்பனிங் பாடலாம்.
தர லோக்கலாக தளபதி
மாஸ்டர் படத்தில் இடம்பெற்ற வாத்தி கம்மிங் பாடலை விட பல மடங்கு பிரமாண்டமாக இப்பாடல் உருவாக்கி வருகின்றதாகவும் பேசப்பட்டு வருகின்றது. பொதுவாக லோகேஷ் கனகராஜ் பாடல்களில் அதிக கவனம் செலுத்தாமல் இருந்து வந்த நிலையில் தற்போது லியோவில் பாடல்களிலும் கூடுதல் கவனம் செலுத்தி வருகின்றார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதற்கு முக்கிய காரணம் விஜய்யின் ரசிகர்கள் தானாம். தர லோக்கலாக விஜய் நடனமாடுவதை ரசிகர்கள் திரையில் கொண்டாடுவார்கள் என்பதற்காகவே இப்பாடலை லோகேஷ் உருவாக்கி வருகிறாராம். விரைவில் இப்பாடலை பற்றிய அதிகாரபூர்வ அறிவிப்பு வெளியாகும் என்பது குறிப்பிடத்தக்கது.