விஜய்யின் ‘லியோ’ படம் துவங்கும் போது ரசிகர்கள் மத்தியில் எக்கச்சக்கமான எதிர்பார்ப்புகள் கிளம்பியது. இதனிடையில் விஜய் அடுத்ததாக நடிக்கவுள்ள ‘தளபதி 68’ படம் குறித்த அறிவிப்பு வெளியானது. இதனால் ‘லியோ’ படம் குறித்த பேச்சுக்கள் அடங்கி, ‘தளபதி 68’ படம் குறித்து சோஷியல் மீடியா முழுக்க பரபரப்பாக பேசப்பட்டது. இந்தப்படத்தை வெங்கட் பிரபு இயக்கவுள்ளார்.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் கலகலப்பான இயக்குனர்களில் வெங்கட் பிரபுவும் ஒருவர். இவர் படங்களின் ஷுட்டிங் ஸ்பாட் எப்போதும் ஜாலியாக இருக்கும் என கூறப்படுவது வழக்கம். இவர் இயக்கத்தில் கடைசியாக ‘கஸ்டடி’ படம் வெளியானது. நாக சைதன்யா, கீர்த்தி ஷெட்டி, அரவிந்த் சாமி உள்ளிட்டோர் நடிப்பில் இந்தப்படம் ரிலீசானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமிழ், தெலுங்கு மொழியில் வெளியான இந்தப்படம் ரசிகர்கள் மத்தியில் எதிர்பார்த்த வரவேற்பை பெறவில்லை. இதனிடையில் தான் தற்போது விஜய்யை இயக்கும் வாய்ப்பை கைப்பற்றியுள்ளார் வெங்கட் பிரபு. அஜித்தை வைத்து ‘மங்காத்தா’ என்ற மிகப்பெரிய வெற்றி படத்தை கொடுத்த வெங்கட் பிரபு இயக்கத்தில் விஜய் நடிக்கவிருப்பது ரசிகர்கள் மத்தியில் ஏகப்பட்ட எதிர்பார்ப்பினை கிளப்பியுள்ளது.
விஜய்யின் ‘தளபதி 68’ படமாக வெங்கட் பிரபு இயக்கவுள்ள இந்தப்படத்தை ஏஜிஎஸ் நிறுவனம் தயாரிக்கவுள்ளது. யுவன் ஷங்கர் ராஜா இந்தப்படத்திற்கு இசையமைக்கவுள்ளார். இந்நிலையில் இந்தப்படத்தின் ஹாட்டான அப்டேட் ஒன்று தற்போது வெளியாகியுள்ளது. அதன்படி ‘தளபதி 68’ படம் குறித்து பேசியுள்ள வலைப்பேச்சு அந்தணன், இந்தப்படத்தில் ஹீரோயினாக நடிக்க ஜோதிகாவிடம் பேச்சுவார்த்தை நடத்த வெங்கட் பிரபு திட்டமிட்டுள்ளதாக தெரிவித்துள்ளார்.
கோவில் வளாகத்தில் நடிகைக்கு முத்தம் கொடுத்த ‘ஆதிபுருஷ்’ இயக்குனர்: வைரலாகும் வீடியோ.!
மேலும், ‘தளபதி 68’ படம் வெங்கட் பிரபு பாணியில் முழுக்க முழுக்க கலகலப்பான பேமிலி டிராமாவாக உருவாகவுள்ளதாகவும் கூறியுள்ளார். இந்த தகவல் ரசிகர்கள் மத்தியில் மிகுந்த எதிர்பார்ப்பை கிளப்பியுள்ளது. விஜய், ஜோதிகா இருவரும் ‘குஷி’ படத்தில் இணைந்து நடித்துள்ளனர். இந்தப்படம் இன்றளவும் ரசிகர்கள் பேவரைட் படமாக உள்ளது. இந்தப்படத்தில் விஜய், ஜோதிகா காம்போவை ரசிகர்கள் பெருமளவு ரசித்தது குறிப்பிடத்தக்கது.
விஜய் தற்போது ‘லியோ’ படத்தில் நடித்து வருகிறார். லோகேஷ் கனகராஜ் இயக்கத்தில் உருவாகும் இந்தப்படத்தில் திரிஷா, சஞ்சய் தத், மிஷ்கின், கெளதம் மேனன், அர்ஜுன், பிரியா ஆனந்த், சாண்டி ,மாஸ்டர், மன்சூர் அலிகான் உள்ளிட்டோர் நடித்து வருகின்றனர். ‘லியோ’ படம் வரும் ஆகஸ்ட் 19 ஆம் தேதி திரையரங்குகளில் ரிலீசாகவுள்ளது குறிப்பிடத்தக்கது.
Meena: காருக்கு பின்னாடி நின்று உடை மாற்றிய மீனா: பிரபல நடிகர் பகிர்ந்த தகவல்.!