இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் உச்ச நட்சத்திரங்களில் ஒருவரான அஜித் தற்போது விடாமுயற்சி படத்திற்காக தயாராகி வருகின்றார். துணிவு படம் வெற்றிக்கு பிறகு அஜித் நடிப்பில் உருவாகும் இப்படத்தை மகிழ் திருமேனி இயக்கவுள்ளார். அஜித் படத்தை மகிழ் திருமேனி தான் இயக்குகிறார் என கடந்த ஜனவரி மாதமே தகவல் வந்தாலும் அதிகாரபூர்வமான அறிவிப்பு அஜித்தின் பிறந்தநாளான மே 1 ஆம் தேதி தான் வெளியானது.
இதையடுத்து இப்படத்தின் படப்பிடிப்பு ஜூன் மாதம் துவக்கத்தில் வெளியாகும் என எதிர்பார்க்கப்பட்ட நிலையில் படப்பிடிப்பு தள்ளிக்கொண்டே செல்கின்றது. குறிப்பாக இப்படத்தை தயாரிக்கும் லைக்கா நிறுவனம் தற்போது ரெய்டில் சிக்கியுள்ளது.
அமிதாப் பச்சனை தலைவர் 170 படத்தில் நடிக்க வைக்க இப்படி ஒரு காரணம் இருக்கா ? மாஸ்டர் பிளான் போட்ட ரஜினி ..!
எனவே தான் இப்படத்தின் படப்பிடிப்பு துவங்க தாமதமாவதாக தெரிகின்றது. இது ஒருபக்கம் இருக்க தற்போது அஜித்தை பற்றி இயக்குனர் லிங்குசாமி பேசியது தான் வைரலாகி வருகின்றது. ஆனந்தம் படத்தின் மூலம் இயக்குனராக அறிமுகமாகி வெற்றிகண்ட லிங்குசாமி சண்டைக்கோழி, ரன், பையா என மிகப்பெரிய வெற்றிப்படங்களை கொடுத்துள்ளார்.
இந்நிலையில் அஜித்தை வைத்து ஜி படத்தை இயக்கும் வாய்ப்பை பெற்றார் லிங்குசாமி. இப்படம் பற்றி பேசிய லிங்குசாமி, படத்தின் கதையை அஜித்திடம் நான் சொன்னபோது கதையை கேட்டுவிட்டு இப்படம் ஓடாது என கூறிவிட்டார். மேலும் அஜித் ஒரு மாஸ் ஹீரோ நடிக்கவேண்டிய கதை ஜி இல்லை எனக்கு தெளிவாக தெரிந்தது.
ஆனால் சிலர் கூறியதன் காரணமாக அஜித்தை வைத்தே ஜி படத்தை இயக்கினேன். ஆனால் அஜித் சொன்னதைப்போலவே இப்படம் வெற்றிபெறவில்லை என்றார் லிங்குசாமி. மேலும் அஜித் போன்ற ஒரு மாஸ் ஹீரோ நடிக்கும் படம் ஜி இல்லை என்றார் லிங்குசாமி. சித்தார்த் போன்ற ஒரு இளம் ஹீரோவை தான் நான் ஜி படத்தில் நடிக்க வைக்கலாம் என இருந்தேன், ஆனால் அது நடக்கவில்லை என்றார் லிங்குசாமி.
ஜி படத்தை பற்றி லிங்குசாமி
இருந்தாலும் அஜித்தின் ஒத்துழைப்பு நன்றாகவே இருந்தது எனலிங்குசாமி கூறியுள்ளார். இந்நிலையில் அஜித் மற்றும் த்ரிஷா நடிப்பில் வெளியான இப்படம் வெற்றிபெறவில்லை என்றாலும் வித்யாசாகரின் இசையில் வெளியான அனைத்து பாடல்களும் சூப்பர் ஹிட்டாக அமைந்தது. இன்றளவும் ஜி படத்தின் பாடல்களை ரசிகர்கள் விரும்பி கேட்டு வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது அஜித் விடாமுயற்சி படத்தின் லுக் டெஸ்ட்டிற்காக மகிழ் திருமேனியுடன் லண்டனுக்கு சென்று திரும்பியுள்ளார். இதையடுத்து விரைவில் புனேவில் துவங்கும் முதல்கட்ட படப்பிடிப்பில் அஜித் கலந்துகொள்ள இருக்கின்றார் என தகவல் வருகின்றது குறிப்பிடத்தக்கது.