மிகவும் பிரபலமான OTT இயங்குதளங்களைப் பற்றி பேசுகையில், நெட்ஃபிக்ஸ் மற்றும் அமேசான் பிரைம் ஆகியவை முன்னணியில் இருக்கின்றன. இரண்டு தளங்களும் அவ்வப்போது புதிய திரைப்படங்கள் மற்றும் தொடர்களை வெளியிட்டு வருகின்றன. நீங்கள் OTT-ல் அதிகம் பயன்படுத்துபவர் என்றால், நிச்சயம் இந்த இரண்டின் சந்தாவை ரீச்சார்ஜ் செய்து வைத்திருப்பீர்கள். ஆனால், இப்போது, சந்தா சற்று விலை உயர்ந்திருக்கிறது. இது சிலருக்கு கவலையாக இருக்கலாம். அப்படியான நிலையில் நீங்கள் இருந்தால், இரண்டையும் இலவசமாக பார்ப்பது எப்படி? என்பதை தெரிந்து கொள்வோம்.
Netflix மற்றும் Amazon Prime வீடியோக்களை இலவசமாக பார்ப்பது எப்படி?
சந்தா திட்டம் உள்ளவர்கள் மட்டுமே Netflix மற்றும் Amazon Prime வீடியோவைப் பயன்படுத்த முடியும். ஆனால் நீங்கள் இலவசமாகப் பார்க்க விரும்பினால், உங்களுக்கு ஜியோ அல்லது ஏர்டெல்லின் போஸ்ட்பெய்ட் திட்டம் தேவைப்படும். போஸ்ட்பெய்டு திட்டத்திற்கு பணம் செலுத்துபவர்கள் Netflix மற்றும் Amazon Prime வீடியோவை இலவசமாக அணுக முடியும். இரண்டு திட்டங்களிலும் என்ன வழங்கப்படும் என்பதை அறிந்து கொள்வோம்.
ஜியோ 699 போஸ்ட்பெய்ட் திட்டம்
ஜியோவின் ரூ.699 போஸ்ட்பெய்ட் திட்டமானது நெட்ஃபிக்ஸ், அமேசான் பிரைம் வீடியோ, ஜியோசினிமா மற்றும் ஜியோடிவி ஆகியவற்றுக்கான இலவச அணுகலுடன் வருகிறது. இந்த திட்டத்தில் வரம்பற்ற அழைப்பு, 100 ஜிபி டேட்டா மற்றும் 100 எஸ்எம்எஸ் ஆகியவை தினமும் கிடைக்கும். இந்தத் திட்டத்தில் 3 குடும்ப உறுப்பினர்களைச் சேர்க்கலாம். இவை ஒவ்வொன்றும் 5 ஜிபி டேட்டாவைப் பெறும்.
ஏர்டெல் 1,199 ப்ரீபெய்ட் திட்டம்
Netflix இன் அடிப்படை மாதாந்திர திட்டம் ஏர்டெல்லின் ரூ.1199 ப்ரீபெய்ட் திட்டத்தில் கிடைக்கிறது. அமேசான் பிரைம் மெம்பர்ஷிப்பை 6 மாதங்களுக்கு கூடுதல் கட்டணமின்றியும், டிஸ்னி+ ஹாட்ஸ்டார் மொபைலை 1 வருடத்திற்கு கூடுதல் கட்டணமின்றியும் பெறுங்கள். Netflix இன் சந்தா திட்டம் 149 ரூபாயில் தொடங்குகிறது. அதே நேரத்தில் அடிப்படை திட்டத்தின் விலை 199 ரூபாயாகும். அமேசான் பிரைமின் மாதாந்திர பேக் ரூ. 299, மூன்று மாத திட்டம் ரூ.599.