இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விக்ரம் படத்தின் வெற்றிக்கு பிறகு
கமல்
புது உத்வேகம் பெற்றுள்ளார். அடுத்தடுத்து படங்கள் கமிட்டாகி நடித்து வருகின்றார் கமல். ஷங்கரின் இயக்கத்தில் துவங்கப்பட்டு கிடப்பில் போடப்பட்ட இந்தியன் 2 திரைப்படத்தை மீண்டும் துவங்கியுள்ளார் கமல்.இதையடுத்து பா.ரஞ்சித்தின் இயக்கத்தில் ஒரு படம், மணிரத்னத்தின் இயக்கத்தில் ஒரு படம் என அடுத்தடுத்து வெறித்தனமான லைன் அப்புடன் இருக்கின்றார் கமல்.
இந்நிலையில் தற்போது இந்தியன் 2 படத்தில் பிசியாக நடித்து வரும் கமல் விரைவில் படப்பிடிப்பை முடித்துவிட்டு வினோத்தின் இயக்கத்தில் நடிக்க இருக்கிறாராம். கமல் மற்றும் மணிரத்னம் இணையும் KH 234 திரைப்படம் துவங்க சில மாதம் ஆகும் என்பதால் அதற்குள் ஒரு மினி பட்ஜெட்டில் ஒரு படத்தில் நடித்துவிடலாம் என கமல் முடிவெடுத்துள்ளார். மேலும் இப்படத்தை கமலே தயாரிக்கவும் முடிவெடுத்துள்ளார்.
கமல் -வினோத் கூட்டணி
தீரன் படத்திற்கு பிறகு தொடர்ந்து அஜித்துடன் மூன்று படங்களில் பணியாற்றிய வினோத் தற்போது கமலுக்கான கதையை தயார் செய்யும் பணியில் இறங்கியுள்ளார். கடைசியாக வினோத் இயக்கத்தில் அஜித் நடிப்பில் வெளியான துணிவு படம் வெற்றிபெற்ற நிலையில் அடுத்ததாக கமலை வைத்து பரபரப்பான ஒரு கதையை தயார் செய்து வருகிறாராம்.
Vijay: தந்தையின் கஷ்டத்தை உணர்ந்து செயல்படும் விஜய்..மனம்விட்டு பேசிய தளபதி..!
இந்நிலையில் இபபடத்தை பற்றி சமீபத்தில் வந்த ஒரு தகவல் ரசிகர்களை எதிர்பார்ப்பில் ஆழ்த்தியுள்ளது. அதாவது வினோத் மற்றும் கமல் இணையும் படம் அரசியல் சார்ந்த திரில்லர் படமாக உருவாக இருப்பதாக தகவல்கள் வருகின்றன.
பொதுவாக வினோத் படம் என்றாலே சமூகம் சார்ந்த கருத்தை கூறும் படமாக இருக்கும். மேலும் கமலுடன் அவர் இணைந்து அரசியல் சார்ந்த கதைக்களத்தில் ஒரு படம் எடுக்கப்போகின்றார் என்றவுடன் ரசிகர்களின் எதிர்பார்ப்பை அதிகரித்துள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் கமல் தற்போது அரசியலில் ஈடுபட்டுள்ளதால் தொடர்ந்து இந்தியன் 2 மற்றும் வினோத் படம் என அடுத்தடுத்து அரசியல் சார்ந்த படங்களில் நடித்து வருவதால் இப்படங்கள் கண்டிப்பாக மிகப்பெரிய அதிர்வலைகளை ஏற்படுத்தும் என எதிர்பார்க்கப்படுகின்றது. இதையடுத்து அடுத்தாண்டு துவக்கத்தில் இபபடத்தின் படப்பிடிப்பு துவங்கி விறுவிறுப்பாக நடைபெறும் என எதிர்பார்க்கப்படுகின்றது குறிப்பிடத்தக்கது.