லோகேஷ் கனகராஜ் இயக்கத்தில் வெளியான ‘விக்ரம்’ படத்தின் பிரம்மாண்ட வெற்றியை தொடர்ந்து இளம் இயக்குனர்களின் படங்களில் நடிக்க ஆர்வம் காட்டி வருகிறார்
கமல்
. இவரது அடுத்தடுத்த படங்களை பல முன்னணி இயக்குனர்கள் இயக்குவதாக கூறப்பட்ட நிலையில், எந்த தகவலும் உறுதி செய்யப்படாமலே இருந்தது. இந்நிலையில் தான் கமல் – எச். வினோத் கூட்டணி இணைவது கடந்த சில தினங்களுக்கு முன்பாக உறுதியானது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
‘சதுரங்க வேட்டை’ படத்தின் மூலம் தமிழ் சினிமாவில் இயக்குனராக அறிமுகமானவர் எச். வினோத். தனது முதல் படத்திலே ரசிகர்களை கவனம் ஈர்த்தார். அதனை தொடர்ந்து தீரன் அதிகாரம் ஒன்று படத்தை இயக்கிய எச். வினோத், அஜித்துடன் நேர்கொண்ட பார்வை, வலிமை, துணிவு என தொடர்ச்சியாக மூன்று படங்களில் இணைந்து பணியாற்றினார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தான் தற்போது கமலின் 233 படத்தை இயக்கவுள்ளார் எச். வினோத். கடந்த சில தினங்களுக்கு முன்பாக பாரம்பரிய நெல் பாதுகாப்பு உறுப்பினர்களை கமல் சந்தித்த போது, அவர்களுடன் இயக்குனர் வினோத்தும் இருப்பதை போன்ற புகைப்படங்கள் வெளியாகி சோஷியல் மீடியாவில் வைரலாகின. இதனால் கமல், எச். வினோத் கூட்டணி உறுதியாகியுள்ளது.
இந்தப்படத்தை ராஜ்கமல் பிலிம்ஸ் நிறுவனம் தயாரிக்கவுள்ளது. இந்நிலையில் இந்தப்படம் குறித்து லேட்டஸ்ட் அப்டேட் ஒன்று வெளியாகியுள்ளது. அதன்படி, விஜய் சேதுபதி இந்தப்படத்தில் நடிக்கவுள்ளதாக தகவல்கள் வெளியாகியுள்ளன. ‘விக்ரம்’ படத்தில் விஜய் சேதுபதி, பகத் பாசில், சூர்யா உள்ளிட்ட முன்னணி நடிகர்களுடன் கமல் இணைந்து நடித்ததால், அந்தப்படம் கோலிவுட் சினிமாவே வியக்கும் வெற்றியை பெற்றது.
Vidaamuyarchi: வேகமெடுக்கும் அஜித்தின் ‘விடாமுயற்சி’: லைகாவின் வேறலெவல் திட்டம்.!
இதனால் ‘KH 233’ படத்திலும் கமல் இந்த யுக்தியை பயன்படுத்தவுள்ளதாக கூறப்படுகிறது. கமலின் நடிப்பில் தற்போது ‘இந்தியன் 2’ படம் உருவாகியுள்ளது. ஷங்கர் இயக்கத்தில் உருவாகும் இதன் படப்பிடிப்பு கடந்த சில மாதங்களாக மும்முரமாக நடந்து வருகிறது. லைகா நிறுவனம் தயாரிக்கும் இதன் ஷுட்டிங் கிட்டத்தட்ட நிறைவடைந்துள்ளதாகவும் கூறப்படுகிறது.
எச். வினோத் படத்தை தொடர்ந்து கமலின் அடுத்த படத்தை மணிரத்னம் இயக்கவுள்ளார். ‘KH 234’ என அழைக்கப்பட்டும் இந்தப்படம் குறித்த அதிகாரப்பூர்வ அறிவிப்பு கடந்த சில மாதங்களுக்கு முன்பாகவே வெளியானது. ‘பொன்னியின் செல்வன்’ படத்தின் வெற்றிக்கு பிறகு மணிரத்னம் ‘KH 234’ படத்தை இயக்கவுள்ளது குறிப்பிடத்தக்கது.
Mrunal Thakur: விஜய்க்கு ஜோடியாகும் ‘சீதா ராமம்’ மிருணாள் தாகூர்: அடுத்த ஹிட் பார்சல்.!