தமிழ் சினிமாவில் முன்னணி நடிகராக திகழ்பவர் விஷால். இவரது நடிப்பில் தற்போது ‘மார்க் ஆண்டனி’ படம் மிகுந்த எதிர்பார்ப்பிற்கு மத்தியில் உருவாகி வருகிறது. இந்நிலையில் விஷால் அடுத்ததாக நடிக்கவுள்ள புதிய படம் குறித்த தகவல்கள் வெளியாகி இணையத்தில் வைரலாகி வருகிறது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
விஷால் நடிப்பில் கடைசியாக ‘லத்தி’ படம் ரிலீசானது. இந்தப்படத்தை தொடர்ந்து தற்போது ‘மார்க் ஆண்டனி’ படத்தில் நடித்து வருகிறார். இந்தப்படத்தை ஆதிக் ரவிச்சந்திரன் இயக்கி வருகிறார். எஸ்.ஜே. சூர்யா இந்தப்படத்தில் முக்கியமான கதாபாத்திரத்தில் நடித்து வருகிறார். டைம் மிஷனை மையமாக வைத்து உருவாகும் இந்தப்படத்தில் விஷால், எஸ்.ஜே. சூர்யா இருவரும் மூன்று விதமான கெட்டப்களில் நடிப்பதாக கூறப்படுகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘மார்க் ஆண்டனி’ படத்தின் டீசர் அண்மையில் வெளியாகி ரசிகர்கள் மத்தியில் நல்ல வரவேற்பை பெற்றது. இந்தப்படம் வரும் ஜுலை 28 ஆம் தேதி வெளியாகவுள்ளது. இதனையடுத்து ஹரி இயக்கத்தில் புதிய படம் ஒன்றில் விஷால் நடிக்கவுள்ளார். அருண் விஜய் நடிப்பில் வெளியான ‘யானை’ படத்தினை தொடர்ந்து இந்தப்படத்தை இயக்கவிருக்கிறார் ஹரி.
ஆதரவற்ற நிலையில் இறந்த தனுஷ் பட நடிகர்: இறுதி சடங்குகளை செய்த டி. இமான்.!
இந்நிலையில் இந்தப்படத்தின் ஆரம்பக்கட்ட பணிகள் தற்போது துவங்கியுள்ளதாக தகவல்கள் வெளியாகியுள்ளன. இந்தப்படத்தில் பிரியா பவானி சங்கர் ஹீரோயினாக நடிக்கவுள்ளதாக கூறப்படுகிறது. ‘யானை’ படத்திற்கு பிறகு இரண்டாவது முறையாக ஹரி இயக்கத்தில் நடிக்கவிருக்கிறார் பிரியா பவானி சங்கர்.
மேலும் தாமிரபரணி, பூஜை படங்களை தொடர்ந்து மூன்றாவது முறையாக விஷால், ஹரி கூட்டணி இணைந்துள்ளது ரசிகர்கள் மத்தியில் எக்கச்சக்கமான எதிர்பார்ப்பினை கிளப்பியுள்ளது. இந்த கூட்டணி ஹாட்ரிக் ஹிட்டடிக்கும் எனவும் ரசிகர்கள் எதிர்பார்ப்பது குறிப்பிடத்தக்கது.
Vijay Sethupathi: கேட்டதும் ஒப்புக்கொண்டார்.. விஜய் சேதுபதிக்கு நன்றி கூறிய திண்டுக்கல் லியோனி.!