உலகப் புகழ்பெற்ற திருப்பதி ஏழுமலையான் கோவிலில் கோடை விடுமுறை நிறைவடைந்த பிறகும் மக்கள் கூட்டம் குறையவில்லை. கடந்த வாரம் கடும் வெயிலில் பக்தர்கள் சாமி தரிசனம் செய்தனர். இந்நிலையில் தற்போது திருப்பதியில் பலத்த மழை பெய்து வருகிறது. மழையையும் பொருட்படுத்தாமல் பக்தர்கள் சாமி தரிசனம் செய்து வருகின்றனர்.
நேற்று 86 ஆயிரம் பக்தர்கள் திருப்பதி ஏழுமலையான் கோவிலில் சாமி தரிசனம் செய்தனர். சுமார் 2 கிலோ மீட்டர் தூரத்திற்கு வரிசையில் காத்திருந்து பக்தர்கள் சாமி தரிசனம் செய்தனர். நேற்று ஒரு நாள் காணிக்கை மட்டும் 4.59 கோடி ரூபாய் வசூலானது.
பிஎஸ்டி நிறுவனத்திற்கு மீண்டும் அரசுப் பணி ஒப்பந்தம்… சாட்டையை சுழற்றும் அண்ணாமலை!
இந்நிலையில் திருப்பதி ஏழுமலையான் கோவிலில் செப்டம்பர் 1ஆம் தேதி முதல் 30 ஆம் தேதி வரை நடைபெறக்கூடிய சுப்ரபாதம், அர்ச்சனை, தோமாலை உள்ளிட்ட கட்டண சேவைகளில் கலந்து கொள்ளும் பக்தர்களை குலுக்கல் முறையில் தேர்ந்தெடுக்கும் முன்பதிவு இன்று தொடங்கியுள்ளது.
இந்த மாதம் 19 ஆம் தேதி காலை 10 மணி முதல் 21ஆம் தேதி காலை 10 மணி வரை இந்த முன்பதிவு நடைபெறுகிறது. இதில் கலந்து கொள்ள விரும்பும் பக்தர்கள் தேவஸ்தான வெப் சைட்டில் தங்களின் பெயர் மற்றும் ஆதார் தகவல்களை கொடுத்து முன்பதிவு செய்து கொள்ளலாம்.
விக்ரமுடன் காதலிஸம்… மீனா அம்பலப்படுத்திய உண்மை!
முன்பதிவு செய்துகொள்ளும் பக்தர்கள் வரும் 21ஆம் தேதி காலை 12 மணிக்கு மின்னணு குலுக்கல் முறையில் தேர்வு செய்யப்படுவார்கள். தேர்வு செய்யப்படும் பக்தர்களின் செல்போன் எண் அல்லது இமெயிலுக்கு தேர்வு செய்யப்பட்டது பற்றி தகவல் அனுப்பப்படும். அதன்பின் பக்தர்கள் பணம் செலுத்தி டிக்கெட்டுகளை பெற்று கொள்ளலாம் என அறிவிக்கப்பட்டுள்ளது.
பாலச்சந்தர் இருந்தால்… செந்தில் பாலாஜியை வைத்து நெஞ்சுவலி என்ற படத்தை எடுத்திருப்பார் : விபி துரைசாமி