Khalistan supporter wanted by Central Govt shot dead | மத்திய அரசால் தேடப்பட்டு வந்த காலிஸ்தான் ஆதரவாளர் சுட்டுக்கொலை

புதுடில்லி,இந்தியாவால் தேடப்பட்டு வந்த முக்கிய பயங்கரவாதியும், காலிஸ்தான் புலிப்படை தலைவருமான ஹர்தீப் நிஜ்ஜார், 46, கனடாவில் சுட்டுக் கொல்லப்பட்டார்.

பஞ்சாப் மாநிலம் ஜலந்தர் மாவட்டத்தின் பர்சிங்புர் கிராமத்தைச் சேர்ந்த ஹர்தீப் நிஜ்ஜார் மீது, 2021ல், அதே பகுதியைச் சேர்ந்த ஹிந்து பூசாரியை கொலை செய்ய சதித்திட்டம் தீட்டியது உட்பட நான்கு வழக்குகள் உள்ளன.

இவற்றை விசாரித்து வரும் என்.ஐ.ஏ., எனப்படும் தேசிய புலனாய்வு அமைப்பு, ‘ஹர்தீப் நிஜ்ஜார் குறித்து தகவல் கொடுத்தால் 10 லட்சம் ரூபாய் சன்மானம் அளிக்கப்படும்’ என, கடந்த ஆண்டு ஜூலையில் அறிவித்தது.

வட அமெரிக்க நாடான கனடாவுக்கு தப்பிச் சென்ற ஹர்தீப் நிஜ்ஜார், மற்றொரு காலிஸ்தான் தலைவர் குர்பத்வந்த் சிங் பன்னுான் நடத்தும், ‘சீக்கியருக்கான நீதி’ என்ற அமைப்பின் கனடா பிரிவு தலைவராகவும் செயல்பட்டு வந்தார்.

காலிஸ்தான் அமைப்புக்கு ஆட்களை சேர்ப்பது, நிதி திரட்டுவது உள்ளிட்ட செயல்பாடுகளை செய்து வந்த ஹர்தீப் நிஜ்ஜார், கனடாவில் உள்ள நம் நாட்டு துாதரகங்களில் நடந்த தாக்குதல்களுக்கு மூளையாகவும் செயல்பட்டார்.

கனடாவின் பிரிட்டீஷ் கொலம்பியா மாகாணத்தின் சர்ரே நகரில் உள்ள குருத்வாராவின் தலைவராகவும் ஹர்தீப் நிஜ்ஜார் பதவி வகித்து வந்தார்.

இந்நிலையில், சர்ரே நகரில் உள்ள குருத்வாராவில், நேற்று முன்தினம் இரவு, வாகன நிறுத்துமிடத்தில் நின்று கொண்டிருந்த ஹர்தீப் நிஜ்ஜாரை, இருசக்கர வாகனத்தில் வந்த மர்ம நபர்கள் சுட்டுக் கொலை செய்ததாக போலீசார் தெரிவித்துள்ளனர்.

புதுடில்லி,இந்தியாவால் தேடப்பட்டு வந்த முக்கிய பயங்கரவாதியும், காலிஸ்தான் புலிப்படை தலைவருமான ஹர்தீப் நிஜ்ஜார், 46, கனடாவில் சுட்டுக் கொல்லப்பட்டார். பஞ்சாப் மாநிலம் ஜலந்தர்