தெலுங்கு சூப்பர் ஸ்டார் சிரஞ்சீவியின் மகன் ராம் சரணும் சினிமாவில் முன்னணி நடிகராக வலம் வருகிறார். ராஜமௌலி இயக்கத்தில் வெளியான ‘மாவீரன்’ படத்தின் மூலம் தமிழ் சினிமா ரசிகர்கள் மத்தியிலும் பிரபலமானார். கடைசியாக இவரது நடிப்பில் பான் இந்தியா படமாக ‘ஆர்ஆர்ஆர்’ வெளியாகி வசூலை வாரி குவித்தது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
கடந்த 2012 ஆம் ஆண்டு ராம் சரண் உபாசனா என்பவரை திருமணம் செய்து கொண்டார். திருமணமாகி 10 ஆண்டுகள் வரை இந்த ஜோடி குழந்தை பெற்றுக்கொள்ளாமல் இருந்தது. இந்நிலையில் கடந்தாண்டு தனது மனைவி கர்ப்பமாக இருப்பதை நெகிழ்ச்சியுடன் சமூக வலைத்தளத்தில் அறிவித்தார் ராம் சரண்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இது தொடர்பாக அவர் வெளியிட்டு அறிவிப்பில், ஸ்ரீ ஹனுமன்ஜியின் ஆசிர்வாதத்துடன் தானும் தனது மனைவியும் முதல் குழந்தையை எதிர்பார்த்து காத்திருப்பதாக குறிப்பிட்டிருந்தார். மேலும் அன்புடன் என சிரஞ்சீவி, சுரேகா என தனது பெற்றோர்கள் பெயரையும், உபசனாவின் பெற்றோர்கள் பெயரையும் அதில் குறிப்பிட்டிருந்தார் ராம் சரண்.
Maamannan: திட்டமிட்டபடி ‘மாமன்னன்’ வெளியாகுமா.?: படத்துக்கு தடை கோரி பரபரப்பு மனு.!
இந்நிலையில் இன்று காலை உபாசனாவிற்கு பெண் குழந்தை பிறந்துள்ளது. ஜுபிலி ஹில்ஸில் உள்ள அப்பலோ மருத்துவனையில் குழந்தை பிறந்துள்ளது. இதனையடுத்து தாயும், சேயும் நலமுடன் இருப்பதாக மருத்துவமனை நிர்வாகம் சார்பாக அறிக்கை ஒன்றும் வெளியாகியுள்ளது. திருமணமாகி 11 ஆண்டுகள் கழித்து ராம் சரண் – உபாசனா ஜோடிக்கு பெண் குழந்தை பிறந்துள்ள நிலையில், அவர்களுக்கு சமூக வலைத்தளங்களில் வாழ்த்துக்கள் குவிந்து வருகின்றன.
ராம் சரண் தற்போது ‘கேம் சேஞ்சர்’ என்ற படத்தில் நடித்து வருகிறார். பிரம்மாண்ட இயக்குனர் ஷங்கர் இயக்கத்தில் உருவாகி வரும் இந்தப்படத்தை தில் ராஜு தயாரிக்கிறார். பிரபல பாலிவுட் நடிகை கியாரா அத்வானி கதாநாயகியாக நடிக்கும் இந்தப்படத்தில் எஸ்.ஜே. சூர்யா வில்லனாக நடித்து வருகிறார். ‘கேம் சேஞ்சர்’ படப்பிடிப்பு பணிகள் இறுதிக்கட்டத்தை எட்டியுள்ளது குறிப்பிடத்தக்கது.
Adipurush: நெகட்டிவ் விமர்சனங்களுக்கு மத்தியில் குவியும் வசூல்: மூன்று நாட்களில் இத்தனை கோடியா..!