ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
ரஜினி தற்போது நெல்சனின் இயக்கத்தில் ஜெயிலர் படத்தில் நடித்து முடித்துள்ளார். சன் பிக்சர்ஸ் தயாரிப்பில் அனிருத்தின் இசையில் உருவான இப்படம் ஆகஸ்ட் மாதம் திரையில் வெளியாகவுள்ளது. கடந்த சில ஆண்டுகளாக ரஜினியின் படங்கள் எதிர்பார்த்த வெற்றியை பெறாத நிலையில் ஜெயிலர் திரைப்படம் ரஜினியை மீண்டும் வெற்றிப்பாதைக்கு அழைத்து செல்லும் என எதிர்பார்க்கப்படுகின்றது.
இதையடுத்து ரஜினி ஐஸ்வர்யாவின் இயக்கத்தில் லால் சலாம் என்ற படத்தில் சிறப்பு தோற்றத்தில் நடித்து வருகின்றார். பல ஆண்டுகளுக்கு பிறகு ரஜினி லால் சலாம் படத்தின் மூலம் மீண்டும் சிறப்பு தோற்றத்தில் நடிக்கின்றார். இதைத்தொடர்ந்து ஜெய் பீம் புகழ் ஞானவேலின் இயக்கத்தில் ஒரு படத்திலும், லோகேஷ் கனகராஜின் இயக்கத்தில் ஒரு படத்திலும் நடிக்கவுள்ளார் ரஜினி.
மொய்தீன் பாய்யாக ரஜினி
இந்நிலையில் தற்போது ஜெயிலர் படத்தின் படப்பிடிப்பை முடித்துவிட்டு லால் சலாம் ஷூட்டிங்கில் பிசியாக இருக்கின்றார் ரஜினி. மும்பையில் ரஜினி சம்மந்தப்பட்ட காட்சிகள் படமாக்கப்பட்டு வருகின்றது. கிரிக்கெட் விளையாட்டை அடிப்படையாக கொண்டு உருவாக்கப்பட்டு வரும் இப்படத்தில் விஷ்ணு விஷால் மற்றும் விக்ராந்த் நாயகர்களாக நடிக்க ரஜினி சிறப்பு தோற்றத்தில் நடிக்கின்றார்.
Leo: விஜய் டபுள் ரோலா ? இன்டெர்வல் காட்சி இப்படி தான் இருக்குமா ?லியோ படத்தின் ட்விஸ்டை உடைத்த பிரபலம்..!
மொய்தீன் பாய் என்ற ரோலில் ரஜினி இப்படத்தில் நடிப்பதாக படக்குழு அதிகாரபூர்வமாக அறிவித்தது. பாட்ஷா படத்திற்கு பிறகு ரஜினி லால் சலாம் படத்தில் முஸ்லீம் கதாபாத்திரத்தில் நடிக்கின்றார். மேலும் இப்படத்தில் ரஜினி கிட்டத்தட்ட 40 நிமிடங்கள் வருவார் என எதிர்பார்க்கப்படுகின்றது.
இந்நிலையில் தற்போது வெளியான தகவலின் படி லால் சலாம் படத்தில் ரஜினிக்கு ஜோடியாக பிரபல நடிகை நிரோஷா நடிப்பதாக பேசப்பட்டு வருகின்றது. 80 களில் பிரபலமான நாயகியாக வலம் வந்தவர் தான் நிரோஷா. கமல், கார்த்திக், பிரபு என பல முன்னணி நடிகர்களுடன் நடித்துள்ள நிரோஷாவிற்கு ரஜினியுடன் நடிக்கவேண்டும் என்ற ஆசை இருந்ததாம்.
ரஜினிக்கு ஜோடியான நிரோஷா
ஆனால் அந்த ஆசை அவருக்கு நிறைவேறாமலே இருந்தது. இந்நிலையில் தற்போது நிரோஷாவின் பல ஆண்டுகால ஆசை லால் சலாம் படத்தின் மூலம் நிறைவேறியுள்ளது. இப்படத்தில் ரஜினியின் மனைவியாக நிரோஷா நடிக்கவுள்ளார் என தகவல்கள் வருகின்றன. விரைவில் இதைப்பற்றிய அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது என்பது குறிப்பிடத்தக்கது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்