தனுஷ் நடிப்பில் மிகுந்த எதிர்பார்ப்பிற்கு மத்தியில் ‘கேப்டன் மில்லர்’ படம் உருவாகி வருகிறது. அருண் ,மாதேஸ்வரன் இயக்கும் இதன் படப்பிடிப்பு கடந்த சில மாதங்களாகவே விறுவிறுப்பாக நடந்து வந்தது. இந்தப்படத்தின் மீது ரசிகர்கள் மத்தியில் ரசிகர்கள் மத்தியில் மிகுந்த எதிர்பார்ப்பு நிலவி வருகிறது. இந்நிலையில் ‘கேப்டன் மில்லர்’ படம் குறித்த அதிரடி அறிவிப்பை படக்குழுவினர் வெளியிட்டுள்ளனர்.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
தமிழ் சினிமாவில் பிரபலமான நடிகராக திகழும் தனுஷ் பிற மொழி படங்களிலும் பிசியாக நடித்து வருகிறார் தனுஷ். இவர் கடைசியாக தமிழ், தெலுங்கு மொழியில் பைலிங்குவலாக வெளியான ‘வாத்தி’ படத்தில் நடித்திருந்தார். விமர்சனம் மற்றும் வசூல்ரீதியாக நல்ல வரவேற்பினை பெற்றது இந்தப்படம். வாத்தியை தொடர்ந்து தற்போது ‘கேப்டன் மில்லர்’ படத்தில் நடித்து வருகிறார் தனுஷ்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ராக்கி, சாணிக்காயிதம் போன்ற படங்களை இயக்கியவர் அருண் மாதேஸ்வரன். இந்தப்படங்கள் பெரிய வெற்றியை பெறவில்லை என்றாலும் அருணின் வித்தியாசமான மேக்கிங்கால் ரசிகர்கள் மத்தியில் கவனம் ஈர்த்தது. இவர் இயக்கிய இரண்டு படங்களும் ரத்தம் தெறிக்க ராவான படங்களாக வெளியாகியிருந்தது. அருணின் கடைசி படமான சாணிக்காயிதத்தில் தனுஷின் அண்ணன் செல்வராகவனும், கீர்த்தி சுரேஷும் இணைந்து நடித்திருந்தனர்.
இந்நிலையில் தனது அண்ணனை இயக்கியவரின் புதிய படத்தில் தனுஷ் தற்போது நடித்து வருகிறார் தனுஷ். ;கேப்டன் மில்லர்’ படத்தினை பீரியட் பிலிமாக 1930 – 40 காலக்கட்டங்களில் நடக்கும் சம்பவங்களாக இயக்கி வருகிறார் அருண் மாதேஸ்வரன். இந்தப்படத்தில் தனுஷ் இலங்கையை சார்ந்த போராளியாகவும், இரண்டு பாகங்களாக இந்தப்படம் உருவாக வாய்ப்புள்ளதாகவும் கூறப்படுகிறது.
என் வாழ்வில் நான் செய்த மிகப்பெரிய தவறு.. ‘காஞ்சனா’ பட நடிகை திருங்கை பிரியா கண்ணீர்.!
இந்நிலையில் கடந்த சில தினங்களுக்கு முன்பாக ‘கேப்டர் மில்லர்’ பர்ஸ்ட் லுக் என தனது ட்விட்டர் பக்கத்தில் தனுஷ் பதிவிட்டிருந்தார். இதனையடுத்து தற்போது வரும் ஜுன் 30 ஆம் தேதி ‘கேப்டன் மில்லர்’ பர்ஸ்ட் லுக் வெளியாகவுள்ளதாக படக்குழு அதிகாரப்பூர்வமாக அறிவித்துள்ளது. இதனால் தனுஷ் ரசிகர்கள் கொண்டாட்டத்தில் உள்ளனர்.
‘கேப்டன் மில்லர்’ படத்தில் தனுஷ் ஜோடியாக பிரியங்கா மோகன் நடிக்கிறார். மேலும் சந்தீப் கிஷன், நிவேதிதா சதீஷ், ஜான் கொக்கன், சுமேஷ் மூர் உள்ளிட்டோர் இணைந்து நடிக்கின்றனர். கன்னட பிரபலம் சிவராஜ்குமார் முக்கியமான கதாபாத்திரத்தில் நடிக்கிறார். ‘கேப்டன் மில்லர்’ படத்தில் ஜிவி பிரகாஷ் குமார் இசையமைப்பது குறிப்பிடத்தக்கது.
7ம் அறிவு படத்தில் ‘அந்த’ வசனத்தை தூக்க சொன்ன சூர்யா.. உதயநிதியால் வெளிவந்த உண்மை.!